Josue 23:1 - Bible azumeina

¹ Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi.

Josue 23:1 Iomraidhean Croise

Ad’u Tinda 25:8

mi mbut mamara kikra, mi le furîd’a ki mamaramu, mi mid’a.

1 Amuleina 1:1

Amulâ David mi mbut mamara kikra, bizam kal ngola. Azungeî mama a zlubum baruna kam pî, nga mi d’ugum tam mbi.

1 Sunda Hamuleinid’a 23:25

Kayam David mi dala: Ma didina Alona hi Israel-lîna, mi he wa tuk tad’a mi sum mama, mba mi kak Jerusalem burâ ki burâ mi.

1 Sunda Hamuleinid’a 27:1

Wana nablaud’a hi Israel suma avok sum mazinina, suma avok azigar suma dudubuna, suma avok azigar suma kikisâ ki azigar suma nglo suma a nga le sunda mamulâ kur ades ma lara ge kur mba mazid’a ki i mazid’a kur til ma lara kur bizad’ina. Ades ma lara pî, suma kuruma a ni 24.000.

2 Sunda Hamuleinid’a 14:1

Asa mi le sun nda djivi d’a d’ingêra avok Ma didina Alo mama.

2 Sunda Hamuleinid’a 14:5

Mi min azì ma nglo ma ad’eng ma ngungu ma Juda-na, kayam ambasa ti kak ki halasa, sama durum ayîna kur biza ndatina nga d’uo mi, kayam Ma didina mi hum lovota á tuk tamu.

2 Sunda Hamuleinid’a 20:30

Leud’a hi Josafat-ta ti kak ki halasa, Alo mama mi hum tuk tad’a ata yima lara ge pet mi.

Sawal la giled’a 46:9

Agi mbeyegi gologi sun nda Ma didina mi lata, agi gologi sun nda ndandal la mi lat yam andagad’id’a.

Isai 63:14

A nga sulugot kä kur hora d’igi amuzleina a sulugot kä ata yima hatna na, Muzu’â hi Ma didinina nga tinizi ata yima tuk tad’a. Hina mi, Ma didina, ang tin sum mangâ kayam simiyêng mi fe subura kaziya.

Gat ta a hat á mbàd’id’a 31:2

Mi dazi ala: Ini bizan ni kis kam dok mbà, an ndak á i ki sed’egi ni hulong ki sed’egi d’uo mi. Ma didina mi dan ala: Ang mba djak alum ma Jurdê-na d’i.

Josue 11:23

Josue mi yo ambasa pet d’igi Ma didina mi he vuna mi Moise na. Josue mi b’rau ambasa mi Israel-lâ ad’u andjavaziya, ad’u andjavaziya. Ata yi máma ambasa kak ki halasa bei durâ.

Josue 13:1

Josue mi mbut mamara, bizam kal ngola. Ata yi máma Ma didina mi dum ala: Gola! Ang mbut wa mamara, bizang kal wa ngola mi. Ambas sa ar bei hled’a tua d’a ti ngola heî.

Josue 21:44

Ma didina mi arazi a kak ki halasa aduk suma a nguyuzina pet d’igi mi gun tam mabuyozi ngolo na. Sa mazi ma djangû ma ndak á tchol avorozina nga d’i. Mi hazi mazi suma djangûna abozi pet mi.

Josue 22:4

Ki tchetchemba, Ma didina mi he wa yima tuk tad’a mi b’oziyogina d’igi mi dazi na. Ki tchetchemba, agi igi ata yagi ma kaka yam ambas magi d’a Moise mi hagizi sä abo alum ma Jurdê-na woi hid’a.

1 Samuel 12:2

Ki tchetchemba, wana namul ma mi tit avorogina: Le ni anu ni, an mbut wa mamara, abusa deî wa kan mi. Grona a mbut wa suma d’igi agi na mi. An tit avorogi kazongôn dei gak ini.