Josue 22:29 - Bible azumeina

²⁹ Ami nga ki djib’era á kagami djangûna ki Ma didina á walami woi ki Ma didina ini ba, ami minimi yima ngal ahle suma ngat buzuna yam ma hi Ma didinina kua ata yam ma kaka á he he d’a hawa d’a ngala d’oze he d’a hawa d’a afuta d’oze ahle suma ngat buzuna kam mbi.

Josue 22:29 Iomraidhean Croise

Ad’u Tinda 44:17

Josef mi dazi ala: Hawa yak! An ndak á le hina d’i! Sama an fe kopma aboma, ni mam ba, mi ar magom mana; wani agi suma dingâ igi gen abugi hawa.

Ad’u Tinda 44:7

Azi hulong dum ala: Sama ngolâ, ni kayam me ba, ang de zla d’a hina d’a ge? Ami azungeî mangâ ndak á lami sun nda tcho d’a hina d’a d’i.

1 Amuleina 21:3

Wani Nabot mi hulong de mi Ahap ala: Nga djivid’a avok Ma didina tala an hang asine ma guguzlu ma abuyomi ngolo a hamizi djonina d’i.

2 Amuleina 18:22

Mi dazi kua ala: An wala agi mba dan ala agi tinigi hurugi ni yam Ma didina Alo magina. Wani ni Ezekiyas ba, mi to yima nding ma tetengâ ki yima ngal ahle suma ngat buzu ma tetengâ kä woyo, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu máma avo Jerusalem-mu d’uo zu?

2 Sunda Hamuleinid’a 32:12

Ni Ezekiyas ba, mi to yima nding ma tetengâ ki yima ngal ahle suma ngat buzuna hi Ma didinina ma tetengâ kä woi mi d’uo zu? Ni mam ba, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu ma tuna, agi ngalagi dubang ma his djivid’ina ni yam yima ngal dubang ma his djivid’a ma tuna mi d’uo zu?

Romê-na 3:6

Nga na d’i! Le Alona ni ma bei d’ingêrâ ni, ni nana ba, mba mi ka sariyad’a yam suma duniyad’a ge?

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Romê-na 9:14

Na ni ei mba dei nana ge? Alona ni ma bei d’ingêrâ zu? Nga na d’i!

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Josue 22:23

Le ami minimi yima ngal ahle suma ngat buzuna ná walami woi ki Ma didina, ná hum he d’a hawa d’a ngala ki he d’a hawa d’a afuta d’oze he d’a hawa d’a ngat buzu d’a zlap darigïd’a ni, ar Ma didina mi djop zla ndata atamiya.

Josue 22:26

Ni kayam ndata ba, ami dami ala: Ei mini yima ngal ahle suma ngat buzuna nga ná he he d’a hawa d’a ngala d’oze ahle suma ngat buzuna kamu d’i.

Josue 22:28

Ami dami ala: Le a mba de zla d’a hina d’a avin mi ami d’oze mandjavamiya ni, ami mba hulongôzi ded’a ala: Agi gologi yima ngal ahle suma ngat buzuna hi Ma didina ma abuyomi a minima ba wana. Wani nga ná hahle suma ngat buzu suma ngala d’oze ahle suma ngat buzuna kam mbi. Wani ni vama glangâsâ adigami ki agiya.

Josue 22:30

Kid’a ma ngat buzuna Fines azi ki suma avok sumina ki suma nglo suma avok ablaud’a hi Israel suma a nga zlapa ki sed’ema a hum zla d’a suma hi Ruben-na ki suma hi Gad-na ki suma hi Manase-na a data, tazi lazi djivid’a, a ba mi.

Josue 24:16

Suma a to’â a hulong ded’a ala: Ami nga ki djib’era á arami Ma didina woi á kud’uromi alo ma ding ngi.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.