Josue 22:28 - Bible azumeina

²⁸ Ami dami ala: Le a mba de zla d’a hina d’a avin mi ami d’oze mandjavamiya ni, ami mba hulongôzi ded’a ala: Agi gologi yima ngal ahle suma ngat buzuna hi Ma didina ma abuyomi a minima ba wana. Wani nga ná hahle suma ngat buzu suma ngala d’oze ahle suma ngat buzuna kam mbi. Wani ni vama glangâsâ adigami ki agiya.

Josue 22:28 Iomraidhean Croise

Ad’u Tinda 31:48

Laban mi dala: Ahina d’a mol la wanda ni vama glangâsâ ini adigeya. Kayam ndata, Jakob mi yat ala Galet.

2 Amuleina 16:10

Amulâ Ahas mi i Damas á ngaf ki Tiglat-Pileser amul ma Asiri-na. Kid’a Ahas mi we yima ngal ahle suma ngat buzu ma Damas-sîd’a, mi sun á vad’ud’a yam ahlena teteng suma a min ki yi mámina ki vama taka mi Uri ma ngat buzuna avo Jerusalem.

Buzuk ka Abud’a 25:40

Moise, ang gol tang djiviya, ang i lahle ndazina dedege d’igi an tagangzï akulo yam ahinad’a ka hî na.

Isai 19:19

Kur bur máma a mba min yima ngal ahle suma ngat buzuna yam ambas sa Ezipte-d’a mi Ma didina, a mba tin vama ge humba avun dabid’a hi hagad’id’a mi Ma didina mi.

Hebre-na 8:5

Kayam suma a nga le sunda hahle ndazinina, ni vama taka yam angus vama akulona. Ata yima Moise mi nga mi min á ve zlub’ud’ina, Alona mi dum ala: Ang gol tang djivi ang lahle ndazina pet dedege d’igi an tagangzï akulo yam ahinad’a na.

Josue 22:27

Wani ni vama glangâsâ adigami ki agi aduk andjavei tala ami kud’uromi Ma didina zlapa ki he mami d’a hawa d’a ngala kahle mami suma zlup yam tchod’a kahle mami suma ngat buzu suma zlap darigïd’a kayambala grogina a de avin mi gromina ala: Vama ndologi ki Ma didina ni me ge d’a d’i.

Josue 22:29

Ami nga ki djib’era á kagami djangûna ki Ma didina á walami woi ki Ma didina ini ba, ami minimi yima ngal ahle suma ngat buzuna yam ma hi Ma didinina kua ata yam ma kaka á he he d’a hawa d’a ngala d’oze he d’a hawa d’a afuta d’oze ahle suma ngat buzuna kam mbi.

Josue 24:27

Josue mi de mablau d’a peta ala: Gola! Ahina d’a wanda mba d’i le glangâsâ keya, kayam ndat ti hum zla d’a pet ta Ma didina mi deizid’a, ti mba d’i le glangâsâ kagi kayambala agi tinigi vunagi yam Alo magina d’uo d’a.