Josue 22:26 - Bible azumeina

²⁶ Ni kayam ndata ba, ami dami ala: Ei mini yima ngal ahle suma ngat buzuna nga ná he he d’a hawa d’a ngala d’oze ahle suma ngat buzuna kamu d’i.

Josue 22:26 Iomraidhean Croise

Isai 19:19

Kur bur máma a mba min yima ngal ahle suma ngat buzuna yam ambas sa Ezipte-d’a mi Ma didina, a mba tin vama ge humba avun dabid’a hi hagad’id’a mi Ma didina mi.

Josue 22:25

Ma didina mi tin alum ma Jurdê-na ni hagad’a adigei ki agiya. Agi suma hi Ruben-na ki suma hi Gad-na, va ndologi nga ki Ma didina d’i. Ni yam grogina ba, gromina a mba ar bei le mandara Ma didina.

Josue 22:27

Wani ni vama glangâsâ adigami ki agi aduk andjavei tala ami kud’uromi Ma didina zlapa ki he mami d’a hawa d’a ngala kahle mami suma zlup yam tchod’a kahle mami suma ngat buzu suma zlap darigïd’a kayambala grogina a de avin mi gromina ala: Vama ndologi ki Ma didina ni me ge d’a d’i.

Josue 22:29

Ami nga ki djib’era á kagami djangûna ki Ma didina á walami woi ki Ma didina ini ba, ami minimi yima ngal ahle suma ngat buzuna yam ma hi Ma didinina kua ata yam ma kaka á he he d’a hawa d’a ngala d’oze he d’a hawa d’a afuta d’oze ahle suma ngat buzuna kam mbi.

Suma ka sariyad’a 6:24

Zedeyon mi min yima ngal ahle suma ngat buzuna mi Ma didina ata yi máma. Mi yi yi máma ala Ma didina ni halasa. Yi máma mi nga gak ini avo Ofra d’a hi Abiyezer-ra.