Josue 22:15 - Bible azumeina

¹⁵ Azi i ata suma hi Ruben-na ki suma hi Gad-na kabo andjafâ hi Manase-na kur ambas sa Galät-ta, a dazi ala:

Josue 22:15 Iomraidhean Croise

1 Sunda Hamuleinid’a 21:3

Jowap mi hulong de mamulâ ala: Ar Ma didina Alo mangâ, mi zul sum mama kam kua kikisa kis! Salana, amul mana, azi pet nazungeî mangâ d’uo zu? Salana, ni kayam me ba, ang hal ndumuzi mbeî ge? Ni kayam me ba, ang mbut Israel-lâ suma tchona ge?

2 Sunda Hamuleinid’a 10:19

Ni kayam ndata ba, Israel-lâ a noî suma hi David-na ala a tamula kazi d’uo gak ini ni na.

2 Sunda Hamuleinid’a 25:27

Ata yima Amasiya mi wal lei ki Ma didinina, suma a ndjak vunazi kam avo Jerusalem. Mi ring Lakis, wani a digim ad’um gak a mbaza Lakis, a tchum sä kua kolâ.

2 Sunda Hamuleinid’a 26:18

A tchol avok amulâ Oziyas, a dum ala: Oziyas, nga ni zla manga á ngal dubang ma his djivid’ina mi Ma didina d’i. Ni sunda hi suma ngat buzuna andjafâ hi Aron-na. Ni azi ba, a tinizi irazi vazi á ngal dubang ma his djivid’ina. Ang nde woi ata yima a tinim iram vama, ang le i hî ni sun nda ata yat tuo d’a; ni sun nda Ma didina mba mi suburung kat tuo d’a!

2 Sunda Hamuleinid’a 28:13

a dazi ala: Agi nga kalagi ki suma agi yozi ndazina ka hî d’i! Agi lagi ni sun nda mbud’i tcho d’a kala avok Ma didinid’a, agi mbagi ki tcho d’a ngola kei kua! Ki tchetchemba, zlad’a nga kei da’, Ma didina hurum zal wa ngola yam Israel-lâ!

Esdras 9:15

Ang Ma didina Alona hi Israel-lîna, angî Ma d’ingêrâ, kayam ang ar suma a arâ adigami ini tcha. Gola! Ami nga avorong ka hî ki tcho mamid’a, ami ndak á tchol avorong ki tcho ndata d’i.

Esdras 9:2

Kayam azi vigizi grozina, azi vigizi grozina mi grozina mi, a gizeî andjaf ma a tinim iram vama kandjafâ hi suma kur ambas sa wandina. Ni suma avok suma ki suma nglona ba, a le sun nda tcho ndata avogo.

Sawal la giled’a 78:8

Kayam azi le d’igi abuyozi ngolo suma yam mba ad’eng suma bei hum vun suma huruzi nga ade’esa d’uo suma a nga d’engzeng avok Alona d’uo na hina d’uo d’a.

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Isai 63:10

Wani azi som vunamu, a zal hur Muzuk mam ma bei tchod’ina, mi mbut mazi ma djangûna, mi mbut sama mi duruzi ayînina mi.

Sunda hi suma hi Levi-nid’a 26:40

Ma didina mi de kua ala: Bugol ahle ndazina, azi mba de woi yam tcho mazid’a ki d’a habuyozi ngolod’a ki tchila mazi d’a azi tchilat avoronda ki so vun mazi ma azi son vunana,

Sunda hi suma hi Levi-nid’a 5:19

Wana ni vama ngat buzu ma yam tchilad’ina, kayam sa máma zlad’a nga kam avogon an Ma didina gagazi.

Ndumba 14:43

Kayam suma Amale’â ki suma Kanan-na a nga avorogiya, a mba durugi a mba tchagiya. Kayam agi walagi woi ki Ma didina, mam mba mi i ki sed’egi d’i.

Ndumba 32:15

Agi suma hi Ruben-na ki suma hi Gad-na, le agi lagi tchod’a avok Ma didina na ni, mam mba mi ar Israel-lâ a i avogovok abagei hur fulâ, ni agi ba, mbagi ki bad’a yam sum ndazina.

Ndumba 5:6

Ang i de mi Israel-lâ ala: Ma didina mi dala: Le atchad’a d’oze mandjufâ mi le tchod’a mi sana mi mbud’um tchod’a avogon an Ma didina ni, zlad’a nga kamu.

Matiye 18:17

Le mi humuzi nga d’uo ni, ang de zla ndata woi mi Toka. Le mi hum nga Toka d’uo mi ni, ang golomî d’igi sama angeina d’oze sama tar lombod’a na.

1 Korente-na 1:10

B’oziyona, an nga ni tchenegi ki simiyê Saleina Jesus Christ, ar agi kagagi ki vun ma tuna, ar wala ti kak adigagi d’i, ar agi kagagi zlapa tu ki djib’er ra tud’a ki zla d’a tud’a mi.

1 Korente-na 5:4

Ata yima agi nga togogina, djib’er manda ti nga zlapa ki sed’egiya, ad’enga hi Saleina Jesus Christ-sa ti nga adigagi mi,

Gat ta a hat á mbàd’id’a 30:17

Wani le agi walagi woi ki Ma didina, le agi gagi nga yagi kä avorom mbi, le sa mi lobogi agi igi á kud’or alo ma dingâ á lum sunda ni,

Gat ta a hat á mbàd’id’a 7:4

Le hina d’uo ni, a mba wal grogina woi ki Ma didina, a mba kud’or alo ma dingâ. Ma didina hurum mba mi zal kagi ngola, mba mi dabagi woi atogo zak mi.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Josue 22:12

Ata yima Israel-lâ a hum hina na, ablaud’a hi Israel-lîd’a ti tok avo Silo á i durâ ataziya.

Josue 22:14

zlapa ki suma nglo suma avok suma dogo ki sed’em mi. Azi ni suma nglona ad’u andjafâ hi Israel ma lara gagang, azi pet ni suma nglo suma avok sum mazina aduk ablaud’a hi Israel-lîd’a.

Josue 22:16

Ablaud’a hi Ma didinid’a ti dala: Ni kayam me ba, agi lagi tcho d’a ngola avok Alona hi Israel-lîna ge? Ni kayam me ba, agi walagi woi ki Ma didina ini agi minigi yima ngal ahle suma ngat buzuna yam tagi á kak djangûna ki sed’em ge?

Josue 22:18

Gola! Ki tchetchemba, agi walagiya wa woi ki Ma didina ini! Le agi kagagi djangûna ki sed’em ini ni, ndjivin mam hurum mba mi zal yam ablaud’a hi Israel-lîd’a pet!

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.