Josue 21:43 - Bible azumeina

⁴³ Ni hina ba, Ma didina mi b’rau ambasa mi Israel-lâ pet d’igi mam gun tam mabuyozi ngolo á hazizi na. Azi hlad’u, a kak kad’u.

Josue 21:43 Iomraidhean Croise

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 13:15

Kayam andaga d’a ang wat pet wanda, an mba ni hangzi ni mi ang kandjavang gak didin.

Ad’u Tinda 28:4

Alona mi b’e vunam kang kandjavang d’igi mi b’e vunam yam Abraham hina, kayam ang te yam andaga d’a ang nga kaka kat angeina wanda d’a Alona hat mi Abraham-mba.

2 Sunda Hamuleinid’a 20:8

Azi kak kua, a mining gong nga a tinit irat vata ki simiyêngû, a dala:

Nehemi 9:24

Grozina a te yam ambas ndata; suma Kanan-na ang gazi yazi kä avoroziya, ang hazizi aboziya, azi kamulei mazina ki suma yam ambasina mi tala azi le vama huruzi mina ki sed’eziya d’a.

Nehemi 9:8

Ang wum ni ma d’engzengâ avorongû, ang djin vunang ki sed’em á handjavam ambasa hi suma Kanan-nid’a, hi suma Het-nid’a, hi suma Amor-rîd’a, hi suma Peris-sîd’a, hi suma Jebus-sîd’a ki d’a hi suma Girgas-sîd’a. Ang le sunda yam zla d’a ang data, kayam angî ma d’engzengâ.

Sawal la giled’a 105:8

Mam nga mi djib’er teteu yam vun mam ma djinda, yam vun mam ma he ma mam hum yam atchogoi d’a dubud’ina.

Sawal la giled’a 44:3

Ang dik andjaf suma woi á hazi yima kaka, ang b’lak andjaf suma woi á arazi yima kaka mi.

Sawal la giled’a 78:55

Mi dik andjaf suma dingâ woi avok andjafâ hi Israel-lîna, mi b’rawazi djona, mi hazi yi mazi ma kaka mi.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Jeremi 32:23

Azi mba, a hlad’u, wani a humung nga vunang ngi, a tit nga yam gat manga d’i, a le nga ahle suma ang hazi vuna kazi á led’ina d’uo mi. Ni kayam ndata ba, ang mba ki ndak ka wanda kazi wana.

Ndumba 33:53

Agi hlagi ambasa, agi kagagi kad’u, kayam an hagizi ti arî magid’a.

Ndumba 34:2

Ang he vuna mi Israel-lâ, ang dazi ala: Ma didina mi dala: Fata agi mba kalagi kur ambas sa Kanan-ndid’a, haga mat ta wanda mba d’i arî djo magina.

Gat ta a hat á mbàd’id’a 11:31

Kayam agi nga djagagi alum ma Jurdê-na á hlagi ambas sa Ma didina Alo magina nga mi hagizid’a, agi mba hlad’u, agi mba kagagi kat mi.

Gat ta a hat á mbàd’id’a 12:29

Moise mi de kua ala: Fata Ma didina Alo magina mi dap wa andjaf suma nga avorogi suma agi mba digizi woi suma agi mba hlagizi wana woyo ni, agi mba kagagi kur ambas mazid’a.

Gat ta a hat á mbàd’id’a 17:14

Moise mi de kua ala: Fata agi kalagi yam ambas sa Ma didina Alo magina mba mi hagizid’a, ata yima agi hlat agi kagagi katna, dam agi mba dagi ala: Ami minimi amulâ kami d’igi andjaf ma ding ma nguyumina na kla ni,

Gat ta a hat á mbàd’id’a 34:4

Ma didina mi dum ala: Wana nambas sa an hle vunan kat ki gun tad’a mi Abraham ki Isak ki Jakob ala: An mba ni hat mandjavagiya d’a. An tagangziya wa; ang wat ki irangû, wani ang mba kal kur ri.

Josue 1:6

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Josue 21:42

Azì ma nglo ma lara pî mi nga ki yima nguyuma. Azì ma nglo ma lara pet ni hina mi.

Suma ka sariyad’a 11:24

Ang ndak á ve vama alo mangâ Kemos mi hangzina d’uo zu? Ahlena pet suma Ma didina Alo mamina mi hamizina, ami ndak á vamizi mi d’uo zu?

1 Samuel 12:8

Bugol la Jakob ki sum mama a i Ezipte-d’a, abuyogi ngolo a fe djop vuna, a yï Ma didina á ndjunuziya. Ma didina mi sun Moise azi ki Aron a buzuguzi woi kur Ezipte á tinizi kur ambas sa wanda.