Josue 18:12 - Bible azumeina

¹² Haga mazid’a abo ma norîd’a, ti hleï avun alum ma Jurdê-na, ti kal Jeriko abo ma norâ, ti djak akulo yam ahinad’a abo ma fladegena, ti i ndeza woi hur ful ma Bet-Aven-na.

Josue 18:12 Iomraidhean Croise

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Wana ni mbaktumba hi Oze-d’a 5:8

Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Josue 16:1

Andaga d’a a hat mandjafâ hi Josef-fâ ki toginid’a ba wana: Tinï ad’ud’a avun alum ma Jurdê-na go ki Jeriko avun mbiyo ma Jeriko-na abo ma yorogona, ti hleï hur ful ma i iram abo ma Jeriko-na yam ahina d’a Betel-lina,

Josue 18:11

A handagad’a mandjafâ hi Benjamin-na ad’u adezezi ad’u adezezi ki togina. Haga mazid’a ti hleï aduk andagad’a hi suma Juda-nid’a ki d’a hi suma hi Josef-fîd’a.

Josue 2:1

Kid’a azi nga Sitim-mba, Josue Nun goroma mi sun suma d’u yina ngumun mbà, mi dazi ala: Agi i d’ugi ambasa kazì ma Jeriko-na. Azi iya, a mbaza, a kal avo hatcha d’a gaulangâ a yat ala Rahap, a bur kua.

Josue 3:16

ata yi máma mbiyo ma nga mi djangî akulo yam ahinad’ina, mi tchola, mi tchol lei gongzong d’igi dadamana na, adigazi woi dei kazina hi Adam-ma, nazì ma ngol ma go ki Sartan-na. Mbiyo ma nga ni djang iram abona hapo d’a Matnid’a, mi wal lei aduk mbà. Israel-lâ a djak ngagad’a yam Jeriko d’ar.

Josue 6:1

Suma Jeriko-na a duk vun agre’â akulo abo Israel-lâ. Sa nga mi fe lovota á nde woi abu d’i, sa nga mi fe lovota á kal avo d’uo mi.

Josue 7:2

Navo Jeriko ba, Josue mi sun suma Aï d’a nga go ki Betel-Aven-nda abo ma yorogona hi Betel-la. Mi dazi ala: Agi i d’ugi ambasa. Sum ndazina a i a d’u Aï,

Josue 8:15

Josue ki Israel-lâ pet a wet ringâ avoroziya, a hle lovot ta i irat abagei hur fulîd’a.

1 Samuel 13:5

Suma Filistê-na a tok tazi á dur ayîna ki Israel-lâ. Pus mazi ma hakulumeina ni 30.000; sum mazi suma djang akulumeina ni 6000; azigarâ ablawazi ni d’igi les ma avun alum ma ngolîna na. Azi mba a lak Mikmas abo ma yorogona hi Bet-Aven-na.