Josue 15:13 - Bible azumeina

¹³ A he Kalep Jefune goroma andagad’a djona aduk andjafâ hi Juda-na d’igi Ma didina mi he vuna mi Josue na. A hum Kiriyat-Arba d’a a yat ala Hebron-nda. Arba ni Anak abumu.

Josue 15:13 Iomraidhean Croise

Ad’u Tinda 13:18

Ata yi máma Abram mi hô zlub’u mamba, mba mi kak ad’u agu ma nglona hi Mamre ma nga Hebron-na, mi min yima ngal ahle suma ngat buzuna mi Ma didina kua.

Ad’u Tinda 23:2

ti mit navo Kiriyat-Arba, nala, Hebron, ni yam andaga d’a Kanan-nda. Abraham mi min tam á tchi mad’amamba Sara, mi tchid’u.

2 Samuel 2:1

Bugol ahle ndazina, David mi djop Ma didina ala: An i kur azì ma ngol ma Juda ma ding tu zu? Ma didina mi hulong dum ala: Ang iya! David mi djobom ala: An i ni lara ge? Ma didina mi hulong dum ala: Ang i Hebron.

1 Sunda Hamuleinid’a 6:56

Wani yima kelâ kazì ma gurei ma nguyuma, a hum mi Kalep Jefune goroma da’.

2 Sunda Hamuleinid’a 11:10

Sora, Ajalon ki Hebron. Azì máma pet nazì ma nglo ma ad’eng ma ngungu ma yam andaga d’a Juda-d’a ki d’a Benjamin-ndina.

Ndumba 13:30

Kalep mi seng suma a nga ka ad’u Moise-sâ, mi dala: Ei ïgiya! Ei mba hlei ambas ndata, kayam ei mba kuzi kad’u!

Ndumba 13:6

Ma ad’u andjafâ hi Juda-nina ni Kalep Jefune goroma;

Josue 11:21

Ata yi máma Josue mi i dur suma Anak suma a nga kaka yam ahuniyônina, nala, suma Hebron-na, suma Debir-râ, suma Anap-ma kazì ma pet ma yam ahuniyô suma Juda-na ki ma yam ahuniyô suma Israel-lîna mi. Mi dabazi tchid’a woi kazì mazi ma nglona pepet.

Josue 20:7

Israel-lâ a tin Kades sa Galile-d’a yam ahinad’a hi Neftali-d’a, Sikem mba yam ahinad’a hi Efraim-mba ki Kiriyat-Arba d’a a yat ala Hebron nda yam ahinad’a hi Juda-d’id’a irazi vaziya.

Josue 21:11

A hazi Kiriyat-Arba d’a a yat ala Hebron nda yam ahinad’a hi Juda-d’id’a ki yima huyogotna mi. Arba ni suma Ana’â abuzi ngolo.

Suma ka sariyad’a 1:10

Suma hi Juda-na a i dur suma Kanan suma a nga kaka kur azì ma ngol ma Hebron ma a yum adjeu ala Kiriyat-Arba-na, a dur Sesai azi ki Ahiman ki Talmai mi.

Suma ka sariyad’a 1:20

Azi hazì ma Hebron-na mi Kalep d’igi Moise mi de na. Mi dik Anak grom suma hindina woyo.

1 Samuel 25:3

Sa máma a yum ala Nabal, amamba a yat ala Abigayel; ndat natcha d’a wäd’u zlad’id’a, ti djif heî mi, wani sa máma ni sama asa’atna, ni sama tchona kur sun mamba mi. Mam mi sama ad’u andjafâ hi Kalep-mina.

1 Samuel 30:14

Ami i ni dur ayîna abo ma sutna hi Keret-na, yam andaga d’a Juda abo ma sutna hi Kalep-ma, ami ngalami azì ma Sikla’â woi mi.

1 Samuel 30:31

mi suma Hebron-na, ata yima ma lara ma David mi tit ki sum mama kua adjeuna.