Josue 13:31 - Bible azumeina

³¹ Abo azì ma Galät-na ki Astarot ki Edrei nazì ma nglo ma kur leud’a hi Ok amul ma Basan-nina, azì máma a humî mabo andjafâ hi Makir ma Manase goromina.

Josue 13:31 Iomraidhean Croise

1 Sunda Hamuleinid’a 6:71

Yam andagad’a habo andjafâ hi Manase-nid’a, a hazì ma Golan ma Basan-na ki yima huyogoma mandjafâ hi Gerson-na kazì ma Astarot-na ki yima huyogoma mi.

Sawal la giled’a 60:7

Kayam suma ang le kazina a sud’a d’a, ang humumiya, ang sud’umi kad’eng manga.

Ezekiyel 48:4

Andagad’a hi Manase-d’a ti tinï hagad’a ni ki d’a hi Neftali-d’a abo ma yorogona gak ti i abo ma fladegena mi.

Josue 12:4

Ok amul ma Basan-na ni ma ar tu ad’u andjafâ hi suma Refa-nina, mi nga kaka Astarot ki Edrei.

Josue 13:12

zlapa ki leud’a hi Ok amul ma Basan ma mi te yam Astarot ki Edrei-na pet, ni ma tu ma danan ma ad’u andjafâ hi suma Refa-nina. Moise mi dur amulei ndazina adjeu, mi digizi woyo.

Josue 13:32

Wana nandaga d’a Moise mi hat djona sä abo alum ma Jurdê-na woi hî ngagad’a yam Jeriko abo ma yorogona kid’a mam nga abagei hur ful la Mowap-pid’a.

Josue 17:5

A he ambasa ki togina mandjafâ hi Manase-na dogo, zlapa kambas sa Galät-ta kambas sa Basan-nda suma sä abo alum ma Jurdê-na woi hî na mi.

Josue 17:6

Manase grom ngolo suma aropma a fe djona aduk b’oziyozi suma andjofâ. Ambas sa Galät-ta ti ar mi Manase grom ngolo suma dingâ mi.

Josue 9:10

kahle suma mi lazi kamulei suma mbà suma Amor suma a sä kaka abo alum ma Jurdê-na woi hî na, nala, Sihon amul ma Hesbon-na ki Ok amul ma Basan ma nga kaka Astarot-na mi.

Suma ka sariyad’a 10:6

Israel-lâ a nde le sun nda ding nga Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a, a nga kud’or alo ma teteng ma hi suma Siri-na, hi suma Sidon-na, hi suma Mowap-ma, hi suma Amon-na, hi suma Filistê-nina mi. A ar Ma didina woyo, a nga lum sunda d’uo d’a.

Suma ka sariyad’a 5:17

Suma Galät-na a kak sä abo alum ma Jurdê-na woi hî tchugot. Ni kayam me ba, suma hi Dan-na a kak go ki batod’a hina ndje ge? Suma Aser-râ a nga kaka avun alum ma ngolâ, a nga tuk tazi ata yima batod’a tchol kuana.

1 Samuel 12:10

Abuyogi ngolo a yi Ma didina kua á ndjunuziya, a dum ala: Ma didina, ami lami tchod’a, ami arang ngei á le sunda malo ma hawa yak ma a yum ala Bäl-lâ kalo d’a hawa yak ka a yat ala Astarte-d’a. Wani ki tchetchemba, ang sud’umi woi abo mami suma djangûna; ami mba lang sunda.

1 Samuel 7:3

Samuel mi de mi Israel-lâ ala: Le agi hulongôgï gen Ma didina ni ki hurugi tu ni, agi aragi bei kud’or alo d’a a yat ala Astarte-d’a kalo ma dingâ pet teyo. Agi zlabagi ki Ma didina, agi kud’uromî mam tu go. Hina wani, mam mba mi sud’ugi woi abo Filistê-na.