Josue 11:6 - Bible azumeina

⁶ Ma didina mi de mi Josue ala: Ang lazi mandarazi d’i! Avin aboina hina dedege, an mba ni hangzi abong pet, an mba ni duruzi mbuleina, an mba ni tchazi avok Israel-lâ. Ang mba kazi gigling akulumei mazina, ang mba ngalazi pus mazi ma dur ayîna woi mi.

Josue 11:6 Iomraidhean Croise

2 Samuel 8:4

Mi yo suma djang akulumei mama 1700, mi yo suma asemba 20.000, mi ka gigling akulumei suma a arâ woi pet Mi ar akulumeina ndak yam pusâ kis.

2 Amuleina 6:16

Elise mi hulong dum ala: Ang ring mandar ri! Suma a nga ki sed’eina, ablau mazid’a kal suma a nga ki sed’ezina.

2 Sunda Hamuleinid’a 20:16

Ndjivin agi igi atazi durâ, azi nga mbeï ki lovot ta yam ahina d’a Sis-sa, agi i ngavazi avun hor ra avun ful ma Jeruwel-lîd’a.

Sawal la giled’a 46:10

Nga mi d’el vun ayîna gak avun dabid’a handagad’id’a, nga mi kus yeûd’a kasapa woyo, nga mi ngal pus ma dur ayîna woi mi.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 46:9

Agi mbeyegi gologi sun nda Ma didina mi lata, agi gologi sun nda ndandal la mi lat yam andagad’id’a.

Zla d’a d’ogolâ 20:7

Sama d’ingêr ma nga mi tit kur d’engzeng mambina, grom suma a mba ar blogoma a mba fe djivid’a!

Isai 30:16

Agi nga dagi ala: Hawa yak! Ami mba djangâmi kakulumeina! Gagazi, agi mba djangâgi kakulumeina, wani ná ringâ! Agi nga dagi ala: Akulumei mamina a djang heî, wani suma a mba digigina, akulumei mazina a mba djang kal tua d’ei!

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Ezekiyel 39:9

Bugol bur máma, suma a nga kaka kur azì ma ngol ma Israel-lîna a mba buzuk kei abua, a mba ngal ahle suma sïna woyo. Azi mba yo mboriyo suma nglona ki suma gureina, ir yeûd’a kaguwad’u, mbuguyona kasubiyona, a mba tchuguzi akua. Akud’a mba d’i ngalazi gak bizad’a kid’iziya.

Wana ni mbaktumba hi Oze-d’a 14:3

Amul ma ngol ma Asiri-na mba mi sud’umi d’i, ami mba fulumi yam akulumeina d’i, ami mba dami mi sun nda ami lat kabomid’a ala: Nda’î alo mamina d’uo d’a. Kayam ni ang ba, we hohowa ma hokuyod’a.

Nahum 2:13

Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Gat ta a hat á mbàd’id’a 7:16

Agi mba dabagi suma pet suma Ma didina Alo magina mba mi hagizi abogina bei wazi hohowozi ba. Agi kud’urogi alo mazina d’i, kayam ni mam ba, mba mi mbut dau ma vagina.

Josue 10:8

Ma didina mi de mi Josue ala: Ang lazi mandarazi d’i! An hangziya wa abong da’. Sama adigazi ma mba mi tchol avorongâ nga d’i.

Josue 11:5

Amulei ndazina ki zla tazi pet a tok tazi a mba ve kang mazina ata yima tuna avun mbiyo ma teteng ma Merom-ma á dur Israel-lâ.

Josue 11:7

Josue azi ki mam suma dur ayîna a mba nde kazi durâ avun mbiyo ma teteng ma Merom-ma dumuzi.

Josue 11:9

Josue mi le ki sed’ezi d’igi Ma didina mi hum vuna na. Mi ka gigling akulumei mazina, mi ngalazi pus mazi ma dur ayîna woi mi.

Josue 3:5

Josue mi de mi suma ala: Agi mbud’ugi tagi yed’et. Kayam ndjivin Ma didina mba mi le sun nda atchapma adigagiya.

Suma ka sariyad’a 20:28

Ni kur atchogoi ndata ba, Fines Elazar gorom ma Aron gorom ngolonina mi nga avok Alona ni mamu. Israel-lâ a djop Ma didina ala: Ami i durumi b’oziyomi suma hi Benjamin-na, d’oze ami vami tami kei zu? Ma didina mi hulong dazi ala: Agi igi ataziya, kayam avin an nga ni hagizi abogiya.

Suma ka sariyad’a 7:9

Kur andjege ndata Ma didina mi de mi Zedeyon ala: Ang tchola, ang i kur kangâ hi suma Madiyan-nina á durâ, kayam an hangziya wa abongû.

1 Samuel 11:9

A de mi suma sun suma a tcholï Jabes-sâ ala: Agi i dagi mi sum magina ala ndjivin falei ami mba sud’ugiya. Kid’a suma sun ndazina a i de zla ndata mi suma avo Jabes-sîd’a, azi le furîd’a,