Josue 11:21 - Bible azumeina

²¹ Ata yi máma Josue mi i dur suma Anak suma a nga kaka yam ahuniyônina, nala, suma Hebron-na, suma Debir-râ, suma Anap-ma kazì ma pet ma yam ahuniyô suma Juda-na ki ma yam ahuniyô suma Israel-lîna mi. Mi dabazi tchid’a woi kazì mazi ma nglona pepet.

Josue 11:21 Iomraidhean Croise

Jeremi 3:23

Gagazi, siwel la nga d’i siwel yam yima ndingâ kahuniyô suma fuyogeinid’a ni zla d’a hawa yaka. Gagazi, suta hi Israel-lîd’a ti tcholï natang ang Ma didina Alo mamina.

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Amos 2:9

Hina pet pî, an tchi suma Amor suma fuyogeid’a d’igi agu sedrena na suma ad’engêzi d’igi agu sena na na woi avoroziya, an tchazi vud’uzi woyo, an sozi sideyezi woi mi.

Ndumba 13:33

Ami wami suma fuyogeina Anak groma nandjaf suma fuyogeina, ami golomi tami ni d’igi djera na avoroziya; azi tazid’a a golomi ni d’igi djera na avorozi mi.

Gat ta a hat á mbàd’id’a 1:28

Agi dagi ala: Ei i ni lara ge? B’oziyoina a tchugi tei susub’ok ala: Suma kur ambas ndatina a ad’enga kaleya, a fuyogeid’a kalei mi. Azì mazi ma nglona nazì ma ki gulumun ma ad’eng ma ngunguna gak i akulo hur alonina. Ami wami Anak groma ki irami mi.

Gat ta a hat á mbàd’id’a 2:21

Ni suma ad’eng suma ablauna, ni suma fuyogeid’a d’igi suma Ana’â na na. Wani Ma didina mi dabazi woi avok suma Amon-na, a digizi woyo, a kak blangâziya.

Gat ta a hat á mbàd’id’a 9:2

Azi ni Anak grom suma fuyogei suma agi wagizina. Ni suma agi humugi a nga de kazi ala: Ni nge ba, mba mi tchol avok Anak groma ge na.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Vama ndum mbeina 6:2

An gola, an we akulum ma hapma. Ma mi nga kama, mi nga kagu yeûd’a aboma, a hum avavala mi. Mi nde mi i á kus ayîna, á kus kua mi.

Suma ka sariyad’a 1:20

Azi hazì ma Hebron-na mi Kalep d’igi Moise mi de na. Mi dik Anak grom suma hindina woyo.