Josue 11:15 - Bible azumeina

¹⁵ d’igi Ma didina mi he vuna mazong mama Moise na. Moise mi djok vun ma he máma mi Josue; Josue mi ndak vun vun ma he máma, mi ar nga vama Ma didina mi he vuna kam mi Moise-sâ kä bei le tu d’i.

Josue 11:15 Iomraidhean Croise

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

Ndumba 33:50

Ma didina mi de zlad’a mi Moise hur ful la Mowap pa go kalum ma Jurdê-na d’a ngagad’a yam Jeriko d’ara, mi dala:

Ndumba 33:52

agi digigi suma a nga kaka avorogi yam ambasina woyo, agi togi filei mazi ma ahinad’a woyo, agi togi angus ahle suma azi yorozina woi ki yi mazi ma nding ma tetengâ mi.

Matiye 23:23

Ni zla d’a hohoud’a kagi agi suma hat gata ki Fariziyê suma lop ira, kayam agi nga hagi dim d’utna, nala, mêta ki aneta ki kumina. Agi aragi ahle suma kal tegles kur gatina woi ta, nala, d’ingêra ki we hohowa suma ki d’engzenga. Djivid’a agi lagi ahle ndazina bei ar suma hiuna woi mi.

Wana ni Zla d’a Djivi d’a Luc mi b’irita 11:42

Wani ni zla d’a hohoud’a kagi agi Fariziyêna, kayam agi hagi dim d’utna, nala, mêta ki rud’a ki d’utna pet. Agi aragi d’ingêra ki od’a hAlonid’a woyo. Wani djivid’a agi lagiziya, agi aragi ma dingâ bei led’a d’i.

Sunda hi suma a sunuzinid’a 20:20

Agi wagiya, an ar nga bei dagi ahle suma ala ni djivid’a kagiya na d’i. An had’agi avok suma pet, hur azina hur azina mi.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Gat ta a hat á mbàd’id’a 12:32

Agi tid’igi yam vun ma he ma an hagizina, agi ngomogiziya, agi tinigi vama ding kam kua d’uo mi na, agi pad’agi va woi kua d’uo mi.

Gat ta a hat á mbàd’id’a 31:3

Ma didina Alo magina tamba mba mi djak aluma avorogiya, mba mi dap andjaf suma a nga kaka sä abo aluma woi hina woi avorogiya. Agi mba digizi woyo, agi mba hlagi ambas mazid’a. Ni Josue ba, mba mi tit avorogi d’igi Ma didina mi de na.

Gat ta a hat á mbàd’id’a 31:5

Mam mba mi hagizi abogiya; agi mba lagi ki sed’ezi d’igi an hagi vuna pet na.

Gat ta a hat á mbàd’id’a 31:7

Moise mi yi Josue avok Israel-lâ pet, mi dum ala: Ang ve tang ad’enga, ang so tangû, kayam ni ang ba, mba kal ki suma ablau suma wana yam ambas sa Ma didina mi hle vunam kat mabuyozi ngolo á hazizid’a, ni ang ba, mba b’rawazizi djona.

Gat ta a hat á mbàd’id’a 4:2

Agi tinigi zla d’a ding yam vun ma he ma an hagizina d’i, agi pad’agi va woi kua d’uo mi, wani agi tid’igi yam vun ma hed’a hi Ma didina Alo maginina d’igi an hagizi na.

Gat ta a hat á mbàd’id’a 4:5

Agi wagiya, an had’agi gata ki vun ma hed’a d’igi Ma didina Alo mana mi han vuna na kayambala fata agi kalagi kur ambas sa agi mba hlat á kagagi kura, agi tid’igi kaziya d’a.

Gat ta a hat á mbàd’id’a 7:2

Fata Ma didina Alo magina mba mi hagizi abogi agi duruzi dabazi woid’a, agi djinigi vunagi ki sed’ezi á wazi hohowozi d’i.

Josue 1:7

Wani ang ve tang ad’enga, ang so tangû, ang ngom gat ta pet ta Moise azong mana mi hang vuna kata, ang tit kat mi. Ar ang i abo ma ndjuf foze abo ma gula d’uo mi. Hina wani, ang mba fahlena pet suma ang mba lazina.

Josue 11:12

Josue mi yo azì ma nglona kamulei mama, mi tchazi woi ki mbigeu d’a fiyaka bei mi ar sa tu ba d’igi Moise azongâ hi Ma didinina mi hum vuna na.

Josue 11:14

Israel-lâ a yo ahle suma a hurumuzi kur azì ma nglo mamina pet ki d’uwarâ mi. Wani a dap suma tchid’a woi pet bei ar vama muzuk tu ba

Josue 11:16

Josue mi yo ambasa pet, d’a yam ahuniyônid’a, d’a abo ma sutnid’a, d’a Gosen-nda, d’a kä ata yima ligitimid’a, d’a kä kur hora halum ma Jurdê-nid’a ki d’a yam ahuniyôna, ki d’a hur fula abo ma norîd’a mi.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.