Josue 11:12 - Bible azumeina

¹² Josue mi yo azì ma nglona kamulei mama, mi tchazi woi ki mbigeu d’a fiyaka bei mi ar sa tu ba d’igi Moise azongâ hi Ma didinina mi hum vuna na.

Josue 11:12 Iomraidhean Croise

Gat ta a hat á mbàd’id’a 7:2

Fata Ma didina Alo magina mba mi hagizi abogi agi duruzi dabazi woid’a, agi djinigi vunagi ki sed’ezi á wazi hohowozi d’i.

Gat ta a hat á mbàd’id’a 9:3

Agi wagi ini ala ni Ma didina Alo magina ba, mba mi tit avorogi d’igi aku d’a ngal yinid’a na; ni mam ba, mba mi b’lagazi woyo; ni mam ba, mba mi hulongôzi yazi kä avorogiya. Agi mba hlagiziya, agi mba dabazi woi atogo zak d’igi mi de na mi.

Josue 10:20

Bugol la Josue azi ki azigar suma Israel-lâ a tchazi tchi d’a tchod’a a lazi á dap pa woid’a, suma adigazi suma a sutna a ring gak a kal kur azì mazi ma ad’eng ma ngunguna.

Josue 10:28

Kur bur máma tamba, Josue mi hlazì ma Makeda-na, mi tchi amul mama ki suma kuruma woi pet, mi ar nga sa bei tchi tu d’i. Mi le kamul ma Makeda-na ni d’igi mi le kamul ma Jeriko-na na mi.

Josue 10:30

Ma didina mi hazì máma kamul mama abo Israel-lâ. A tchi suma kuruma woi pet bei ar sa tu ba, a le kamul máma ni d’igi a le kamul ma Jeriko-na na mi.

Josue 10:32

Kur bur ma mbàna, Ma didina mi hazì ma Lakis-sâ abo Israel-lâ. A tchi suma kurâ woi pet bei ar sa tu ba, d’igi a le kazì ma Libina-na na mi.

Josue 10:35

A hlumî kur bur máma baba d’igi a hle Lakis na, a tchi suma kurâ woi pet mi.

Josue 10:37

A hlazì máma, a tchi amul mama ki suma kurâ woi pet. A hlazì ma go ki sed’ema pet mi, a tchi suma kurâ woi pet d’igi a tchi suma Eglon-na woi na mi. Josue mi b’lak azina woi kakazeî. Mi tchi suma kurâ woi pepet bei ar sa tu ba.

Josue 11:13

Wani azigar suma Israel-lâ a ngal nga azì ma ngol ma a minim akulo yam ahuniyônina d’i; Josue mi ngalî azì ma ngol ma Hasor-râ hol.

Josue 11:15

d’igi Ma didina mi he vuna mazong mama Moise na. Moise mi djok vun ma he máma mi Josue; Josue mi ndak vun vun ma he máma, mi ar nga vama Ma didina mi he vuna kam mi Moise-sâ kä bei le tu d’i.

Josue 13:6

ki suma nga kaka yam ahinad’ina pet, tinï ad’ud’a Liban dei gak mba Misrefot-Mayim ki suma Sidon-na pet. An mba ni digizi woi avok Israel-lâ. Ki tchetchemba, ang b’rau ambas ndata mi Israel-lâ ni ki togina d’igi an hang vuna na.

Josue 21:44

Ma didina mi arazi a kak ki halasa aduk suma a nguyuzina pet d’igi mi gun tam mabuyozi ngolo na. Sa mazi ma djangû ma ndak á tchol avorozina nga d’i. Mi hazi mazi suma djangûna abozi pet mi.

Josue 8:31

d’igi Moise azongâ hi Ma didinina mi he vuna mi Israel-lâ na, d’igi a b’ir kur gat mamba na ala a minimî kahina d’a hawa d’a bei tched’et tei ba d’a. A hahle suma ngat buzu suma ngala kahle suma ngat buzu suma zlap darigïd’a kam mi.

Josue 8:8

Le agi hlagi azì ma ngolâ da ni, agi dom akud’a d’igi Ma didina mi de na. Agi tid’igi yam vun ma he ma an hagizina.

Josue 9:24

Sum ndazina a hulong de mi Josue ala: Ami azungeî mangâ humumi ala Ma didina Alo mangâ mi he vuna mazong mama Moise á hagi ambas sa wanda á tchi suma kurutna woi avorogi pet. Kayam ndata, mandaragi mi vami ngola, kayambala agi mba tchamiya d’a. Ni kayam ndata ba, ami mbami ki gevegi wana.