Josue 10:40 - Bible azumeina

⁴⁰ Josue mi hlambas sa abo ma sutnid’a kamulei suma a nga kaka yam ahuniyôna ki suma a nga kaka ata yima kikid’i’îna ki suma a nga kaka kä ata yima ligitimina ki suma a nga kaka ata yima ndingîna, mi ar nga sa tu d’i. Mi dap ahle suma a nga muzu’â woi pepet d’igi Alona hi Israel-lîna mi he vuna na mi.

Josue 10:40 Iomraidhean Croise

1 Amuleina 15:29

Kid’a mi kak amulid’a, mi tchi andjafâ hi Jerobowam-ma woi pet, mi ar nga gorom ngolo tu d’i, mi tchazi woi pet d’igi ma djok vun Alona Ahiya ma Silo-na mi de zla d’a tcholï avun Ma didinid’a na.

Nehemi 9:24

Grozina a te yam ambas ndata; suma Kanan-na ang gazi yazi kä avoroziya, ang hazizi aboziya, azi kamulei mazina ki suma yam ambasina mi tala azi le vama huruzi mina ki sed’eziya d’a.

Sawal la giled’a 9:17

Ma didina mi tak tam mbeyo, mi ka sariya d’a d’ingêra; sama asa’atna nga mi ve tam ki dau ma mam tam gunuma. Tchol ndjö

Buzuk ka Abud’a 34:12

Agi gologi tagi djivi á djinigi vunagi ki suma agi mba kalagi kur ambas mazid’ina tala azi mbut ni dau ma vagina d’a d’i.

Ndumba 13:17

Moise mi sunuzi á d’u ambas sa Kanan-nda, mi dazi ala: Agi igi ni ki lovot ta abo ma sutnid’a. Bugola, agi djagagi akulo yam ahuniyôna.

Gat ta a hat á mbàd’id’a 1:7

Agi hulongôgi igi yam ahina d’a Amor-ra ki yima nguyutna, hur fulâ yam ahinad’a, kur hora abo ma sutna, avun alum ma ngol ma Mediterane-na, yam ambasa hi suma Kanan-nid’a ki d’a hi suma Liban-nid’a gak avun alum ma ngolâ, nala, alum ma Efrat-na.

Gat ta a hat á mbàd’id’a 2:34

Ata yi máma ei yoi azì mam ma nglona pet, ei tchi suma kurâ woi pet, nala, andjofâ, aropma ki kemba bei sa sut tu ba.

Gat ta a hat á mbàd’id’a 7:24

Mam mba mi hagi amulei mazina abogiya; agi tchazi simiyêzi woi yam andagad’a ka hî. Ma mba mi tchol avorogi tu pî nga d’i gak agi dabazi woyo.

Josue 10:35

A hlumî kur bur máma baba d’igi a hle Lakis na, a tchi suma kurâ woi pet mi.

Josue 10:37

A hlazì máma, a tchi amul mama ki suma kurâ woi pet. A hlazì ma go ki sed’ema pet mi, a tchi suma kurâ woi pet d’igi a tchi suma Eglon-na woi na mi. Josue mi b’lak azina woi kakazeî. Mi tchi suma kurâ woi pepet bei ar sa tu ba.

Josue 10:39

A hlazì máma kamul mama kazì ma go ki sed’ema pet mi. A tchi suma kurâ woi pet bei ar sa tu ba. Josue mi le kazì ma Debir-râ kamul mama ni d’igi mi le kazì ma Hebron-na na, ni d’igi mi le kazì ma Libina-na kamul mama na mi.

Josue 11:16

Josue mi yo ambasa pet, d’a yam ahuniyônid’a, d’a abo ma sutnid’a, d’a Gosen-nda, d’a kä ata yima ligitimid’a, d’a kä kur hora halum ma Jurdê-nid’a ki d’a yam ahuniyôna, ki d’a hur fula abo ma norîd’a mi.

Josue 12:8

Mi hazi ambas sa yam ahinad’id’a, d’a kä ata yima ligitimid’a, d’a Araba-d’a, d’a yam yima ndingîd’a, d’a hur fulid’a ki d’a abo ma sutnid’a mi. Wana nambasa hi suma Het-nid’a, hi suma Amor-rîd’a, hi suma Kanan-nid’a, hi suma Peris-sîd’a, hi suma Hef-fîd’a ki d’a hi suma Jebus-sîd’a mi.

Josue 18:21

Azì ma nglo ma a hum mandjafâ hi Benjamin ma ad’u adezezi ad’u adezezina ba wana: Jeriko, Bet-Hogla, Emek-Kesis,

Josue 6:17

Agi b’lagam mbei kahle suma kuruma pet, kayam azi nahle suma a tinizi irazi vazi mi Ma didinina. Ni Rahap pa gaulangâ hol ba, ei mba arat bei tchid’a ki suma a nga avo hatatna pet, kayam ndat ti ngei suma ei sunuzi adjeu á d’u yinina.

Josue 8:2

Ang mba le kazì ma Aï-na kamul mama ni d’igi ang le kazì ma Jeriko-na kamul mama na mi. Wani ahle suma agi mba hurumuzina, agi yoziya, ki d’uwarâ mi. Wani ang ka suma dingâ hiu á bur kä woi huyok azì ma ngolâ.

Josue 8:27

Wani Israel-lâ a yo ahle suma azi hurumuzina, nala, d’uwar ma nglona ki ma gureina d’igi Ma didina mi he vuna mi Josue na.

Josue 9:24

Sum ndazina a hulong de mi Josue ala: Ami azungeî mangâ humumi ala Ma didina Alo mangâ mi he vuna mazong mama Moise á hagi ambas sa wanda á tchi suma kurutna woi avorogi pet. Kayam ndata, mandaragi mi vami ngola, kayambala agi mba tchamiya d’a. Ni kayam ndata ba, ami mbami ki gevegi wana.