Josue 1:4 - Bible azumeina

⁴ Haga magid’a mba d’i tinï ad’ud’a hur fulâ abo ma sutna gak ti mba yam ambas sa Liban-nda abo ma norâ, ti kal gak ti i avun alum ma Efrat-na yam andagad’a hi suma Het-nid’a pet abo ma yorogona gak ti mba avun alum ma ngol ma Mediterane-na abo ma fladegena.

Josue 1:4 Iomraidhean Croise

1 Amuleina 10:29

Suma mbut abozi ndazina a guzï pus ma dur ayîna ki bege d’a hapa kikisa karagaya, akulum ma tuna a guzumî ki bege d’a hapa kis kam dok vahl. Sum ndazina a hulong a gus suma dingâ woi abo amulei suma Het-na kamulei suma Siri-na mi.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

1 Sunda Hamuleinid’a 18:3

Kid’a Hadadezer amul ma Soba ma abo ma Hamat-na mi hulong á hle leu mam mba avun alum ma Efrat-nid’a, David mi dur ayîna ki sed’emu, mi kus kamu.

1 Sunda Hamuleinid’a 5:9

Abo ma yorogona a kak kua gak i avun hur ful ma wal ir ambas mazid’a woi kalum ma Efrat-nina, kayam a nga ki d’uwarâ ablaud’a heî yam ambas sa Galät ndata.

Esdras 4:20

Adjeu amulei suma ad’engâ a nga kur Jerusalem. Ni suma a te yam suma pet suma a nga kaka abo alum ma Efrat-na woi hina, suma a nga wuragazi bege d’a a ngazizi kazid’a d’oze tara d’oze bege d’a a i kakoid’id’a mi.

Buzuk ka Abud’a 23:31

An mba ni tinï haga magid’a avun alum ma ngol ma Tchereuna dei gak mba avun alum ma ngol ma Mediterane-na, ei hur ful ma Sinai-na dei gak dap avun alum ma Efrat-na. Kayam an mba ni hagi suma a nga kaka kur ambas ndatina abogiya, agi mba digizi woi avorogi mi.

Gat ta a hat á mbàd’id’a 1:7

Agi hulongôgi igi yam ahina d’a Amor-ra ki yima nguyutna, hur fulâ yam ahinad’a, kur hora abo ma sutna, avun alum ma ngol ma Mediterane-na, yam ambasa hi suma Kanan-nid’a ki d’a hi suma Liban-nid’a gak avun alum ma ngolâ, nala, alum ma Efrat-na.

Gat ta a hat á mbàd’id’a 11:24

Ata yima lara ma agi mba tinigi asegi kuana pet, mba mi arî magina, haga magid’a mba d’i tinï ad’ud’a ni hur fulâ dei gak ti mba avo Liban, ti kal gak ti i avun alum ma Efrat-na ti djak gak ti i avun alum ma ngol ma Mediterane-na abo ma fladegena.

Gat ta a hat á mbàd’id’a 3:25

An nga ni tchenengû, ang aran an i wambas sa djivi d’a sä abo alum ma Jurdê-na woi hid’a kahuniyô suma djivi ndazina ki Liban mi.

Vama ndum mbeina 9:14

Del ndata ti de mi malaika ma karagaya ma nga kadifa aboma ala: Ang but malaika suma fid’i suma a nga djinda kä ki kindjingâ avun alum ma Efrat-nina akulo.