Josue 1:11 - Bible azumeina

¹¹ Agi igi kur kangâ, agi hagi vuna mi suma, agi dazi ala: Agi minigi tagi kahle suma tena, kayam ar burâ hindi agi mba djagagi alum ma Jurdê ma wana á hlambas sa Ma didina Alo magina nga mi hagizid’a.

Josue 1:11 Iomraidhean Croise

2 Amuleina 20:5

Ang hulong gen Ezekiyas amulâ hi sum manina, ang dum ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni tcholong akulo. Kur bur ma hindina ang mba fad’enga á i kur gong man nda kud’ora.

Buzuk ka Abud’a 19:11

Ar azi min tazi gak burâ hindi, kayam kur bur ma hindi máma an Ma didina mba ni tchugï asen kä yam ahina d’a Sinai-d’a ir Israel-lâ pet.

Wana ni mbaktumba hi Oze-d’a 6:2

Kur bur ma mbàna mba mi tchiliya, kur bur ma hindina mba mi tcholei akulo, ei mba kagei ki irei avoromu.

Gat ta a hat á mbàd’id’a 11:31

Kayam agi nga djagagi alum ma Jurdê-na á hlagi ambas sa Ma didina Alo magina nga mi hagizid’a, agi mba hlad’u, agi mba kagagi kat mi.

Gat ta a hat á mbàd’id’a 3:18

Ata yi máma an hagi vun ma he ma wana ala: Ma didina Alo magina mi hagi ambas sa wanda abogi kayambala agi hlad’u d’a. Kayam ndata, agi suma gangrang suma durâ pet, agi yogi ahle suma sïna, agi kalagi avok b’oziyogi Israel-lâ.

Gat ta a hat á mbàd’id’a 9:1

Moise mi de kua ala: Agi Israel-lâ, agi humugiya! Ini agi nga djagagi alum ma Jurdê-na á hlagi andjaf ma kalagi kablaud’a ki sib’ikina, kazì ma nglo ma a minim ad’enga ngungu gak mi i akulona.

Josue 1:10

Josue mi he vuna mi suma avok sumina ala:

Josue 1:2

Azong mana Moise mi mit da’. Ki tchetchemba, ang tchol akulo, ang i djak alum ma Jurdê ma wana, ang ki sum ndazina pet, agi igi yam ambas sa an nga ni hat mi Israel-lîd’a.

Josue 3:2

Kur bur ma hindina, suma nglo suma avok sumina a i kur kangâ,