Joel 2:13 - Bible azumeina

¹³ Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Joel 2:13 Iomraidhean Croise

Ad’u Tinda 37:29

Ruben mi hulong mba avun golonga, mi fe nga Josef fi, mi haû baru mamba woyo,

Ad’u Tinda 37:34

Jakob mi haû baru ma atama woyo, mi djin ziyona furumu, mi tchi goroma burâ ngola.

2 Samuel 1:11

David mi haû baru mam ma atama woyo. Suma ki sed’ema pet a haû baru ma atazina woi mi.

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

2 Amuleina 22:11

Ata yima Josiyas mi hum zla d’a kur Mbaktum mba Gatid’a, mi haû baru mama woi atamu.

2 Amuleina 22:19

Ang hum wa zla d’a an dat yam azì ma Jerusalem-ma ki suma a nga kaka kuruma woi tetet. An dala: Azi mba mbut ni vama b’laka, a mbut ni vama ge vuna mi d’a. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî, ni humungû. An Ma didina ni de na.

2 Amuleina 5:7

Ata yima amul ma Israel-lâ mi dap mbaktum ndata ndumba dapma, mi haû baru mama woyo, mi er ad’um akulo ala: An nAlona ba, ni tchi sana kat mi, ni hulong zlid’im mi zu? Gola! Amul ma Siri-na mi sununï sana ka wana ala an yagam libi mama woyo! Agi wagi zla d’a sa máma mi halan ki sed’eta.

2 Amuleina 6:30

Ata yima amulâ mi hum zla d’a atcha ndata ti dumzid’ina, mi haû baru mama woyo, nga mi tit akulo yam gulumuna. Suma hur azina pet a wumu. Mi nga ki baru d’a dodora krovo atamu.

2 Sunda Hamuleinid’a 6:27

ang Ma didin ma sä akulona, ang huma, ang vat hurung ngei yam tcho mazid’a, kayam azi nazungeî mangâ, ni sum mangâ mi. Kal pet, ang had’azi ni lovot ta tit ta djivid’a. Bugola, ang salona yam andaga mang nga ang hazizi djonid’a mi.

Nehemi 9:17

Azi noî á ge yazi kä avorongû, a mar rei yam ahle suma djivi suma ang nga lazi kazina, a le yam mba ad’enga, kur so vun mazina a man sana avorozi tu á hulong kur magom mazid’a. Wani ang Alo ma nga vat hurung ngei atogo za’â, ma sumad’a ma we hohowa sumina, ma hurung nga zal atogo zak kuo na, ma djivi ma kal teglesâ, ang arazi nga woi d’i.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Sawal la giled’a 103:8

Ma didina ni ma mi we hohowa sumina, ni ma sumad’a, ni ma hurum nga mi zal atogo d’uo na, ni ma nga oîd’a ki o mam mba didindina mi.

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

Sawal la giled’a 34:18

Ata yima suma d’ingêrâ a nga tchi ala mi ndjunuziya na, Ma didina nga mi humuziya, nga mi pad’azi woi kur ndak mazid’a pet mi.

Sawal la giled’a 51:17

Salad’a, ang malan vunan ndeyo, an mba ni suburungû.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 58:5

Ni d’el tad’a sana mi mbut tam hohoud’a hina d’a ba, an minit tchu? D’oze mi hom yam kä d’igi tchereuna na, mi tchuk baru d’a dodora atamu, mi bur kä aduk butna. Ni hina ba, agi mba yat ala ni d’el ta d’a bei te tena d’a bur tu an Ma didina tan lan djivid’a heî kata zu?

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Jeremi 36:7

Dam tchen mazi d’a hud’a mba d’i i avok Ma didina, azi nge nge pî mba mi hulongî ar tit mam mba tchod’a woyo, kayam ayîna ki hur ma zala hi Ma didina ma mi zalam yam sum ndazinina mi kal ngola heî.

Jeremi 41:5

suma dok klavandi a tcholï Sikem ki Silo ki Samari ki dudumazi wela woyo, ki baruna haûd’a woi ataziya, ki tazi b’asa, a yoï he d’a hawa d’a afuta ki dubang ma his djivid’ina á hed’a kur gong nga kud’ora hi Ma didinid’a.

Jeremi 42:10

Le agi aragi kaka kur ambas sa wanda ni, an mba ni minigi akulo, an mba ni b’lagagi woi d’i, an mba ni pagi ad’ugi kä, an mba ni pad’agi woi d’i. Kayam an mbut hat hurun yam tcho d’a an lagizid’a.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Nahum 1:3

Ma didina nga mi mbut ayîna atogo d’i, ni ma ad’engêm kal heîna, nga mi ar sama zlad’a kama bei ngopa d’i. Nga mi tit aduk mbirlimba, aduk babarâ, d’ugula ni gugum ma ad’u asema mi.

Ndumba 14:18

An ni Ma didina! An ni ma nga ni mbut ayîna atogo d’uo na, an ni ma djivi manda kal teglesâ, an ni ma nga ni vat hurun ndei yam tchilad’a ki murud’umba hi sumid’a, wani an ni ma nga ni ar sama le tchod’a bei ka sariyad’a kam mbuo na, an ni ma ngop grod’a yam tchod’a habuyod’a gak kur atchogoi d’a hindid’a ki d’a fid’id’ina mi.

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Efes-sâ 2:4

Kid’a ei boi woi kur tchila meid’id’a, Alo ma we hohowa suma ki o mam mba ngol la mi lat keid’a, mi mbud’i arid’a zlapa tu ki Christ. Ni yam suma mamba ba, mi sud’ugi kiya.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.