Wana ni mbaktumba hi Job-pa 9:26 - Bible azumeina

²⁶ Mi kal atogo d’igi bato d’a avavatna na, d’igi b’aru ma sir asem kä yam vana á ved’ina na.

Wana ni mbaktumba hi Job-pa 9:26 Iomraidhean Croise

2 Samuel 1:23

Kid’a Saul azi ki Jonatan a nga ki irazi tua d’a, a le yam tazi heî, kur mat mazina a wal nga woi d’uo mi. Azi afefeta kal b’aruna, azi ad’enga kal azlona.

Zla d’a d’ogolâ 23:5

Ang min tin irang yam ndjondjoî d’a kal leina zu? Gagazi, ndjondjoîd’a nga d’i min gigingâ d’igi agigilauna na, ti pir akulo aduk alona, ti vit teyo.

Isai 18:2

ndak nga d’i sun suma sunda yam alum ma Nil-lâ kalum mba tchereuna. Agi suma sun suma afefetna, agi igi avo hi suma fuyogei suma babagazi akulongôd’id’ina, avo hi suma suma yam andagad’ina pet a nga lazi mandarazina, avo handjaf suma sib’ik suma a nga miret mazi suma djangûna kä kasezina, agi hulongôgi kur ambas magi d’a aluma mi walat tei aduk tetenga.

Jeremi 4:13

Suma a dala: Gola! Ma djangûna nga mi djï d’igi d’ugul la hleï ndundula na, pus mam ma dur ayîna mi djangî d’igi mbirlimba na, akulumei mama a djang kal b’aruna. Ei baya woi d’a; ni zla d’a hohoud’a keya.

Hor ma tchina 4:19

Suma a nga djobei vuneina, afefed’ezi kal b’aruna. A nga digï akulo yam ahuniyôna, a nga buri kä abagei hur fulâ.

Habakuk 1:8

Akulumei mazina a djang kal bolina, ayî mazina kal ngû ma meid’a nga d’i tchum fladegena. Suma djang akulumei mazina a tcholï nata yima deina, a nga pir akulo, a pirî d’igi b’aru ma sir asem kä á ve vanina na.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.