Wana ni mbaktumba hi Job-pa 9:24 - Bible azumeina

²⁴ Mi handagad’a abo suma asa’atna, mi duk ir suma ka sariyad’a woyo! Le ni mam mbuo ni, ni nge ge?

Wana ni mbaktumba hi Job-pa 9:24 Iomraidhean Croise

2 Samuel 15:30

David mi hle lovot ta yam ahina d’a Olif-fa, mi zlup barud’a kamu, nga mi tchiya, nga mi tit bei atuguruna asemu. Suma pet suma a nga ki sed’ema a zlup barud’a kaziya, a nga tchi mi.

2 Samuel 19:4

Amulâ mi zlup barud’a iramu, nga mi tchi ki delem akulo ala: Gorona Apsalom! Apsalom gorona, gorona!

Ester 6:12

Bugola, Mardose mi hulong avun azina hamulîna, Haman mi i avo hatam atogo zak ki zulona ki barud’a zlupa kam mi.

Ester 7:8

Kid’a amulâ mi tcholï kur asine mam ma amula mi mba kur gong nga tenid’a, mi we Haman mi pe nga yam kä ata azang ma Ester nga denga kama. Ata yi máma amulâ mi dala: Ni me na ge? Mi min mi le ni vama tcho kamula Ester avoron ka hî avo hatan ndju? Kid’a amulâ mi mal vunam á de zla ndata hina d’a, ata yi máma hina wat a ve Haman, a d’ud’um iram mbei ki barud’a.

Wana ni mbaktumba hi Job-pa 10:3

Na ni djivid’a irang á lang tchod’a, á gol vama ang luma is, á ndjun zla d’a suma asa’atna a nga huruzi kata zu?

Wana ni mbaktumba hi Job-pa 12:17

Mi nga mi yo suma de d’alâ magomba, nga mi b’lak zlad’a hi suma avok sumina woyo.

Wana ni mbaktumba hi Job-pa 16:11

Alona mi han abo suma tchona, mi han abo suma asa’atna atogo zak.

Wana ni mbaktumba hi Job-pa 19:7

Gola! An nga ni tchi abo wudjut ta atanda, wani sama hulongôn humba nga d’i. An nga ni yi ala a ndjununu, wani sama mi mba á kan sariya d’a d’ingêrina nga d’i.

Wana ni mbaktumba hi Job-pa 22:8

Ambasa ni hi sama ad’engîd’a, sama mi hle yam akulona mi nga kaka kurud’u.

Wana ni mbaktumba hi Job-pa 24:12

Suma a nga lá matnina a nga tchi hur azì ma ngolâ, suma a fe dakina a nga tchi ki delezi akulo, wani Alona mi tin nga humam yam tcho mazi d’a b’lak ndrozina ndata d’i.

Wana ni mbaktumba hi Job-pa 24:25

Le hina d’uo ni, ni nge ba, mba mi dala an ni ma ka zlad’a ba, mi mbud’un zla manda zla d’a hawa yaka ge?

Wana ni mbaktumba hi Job-pa 32:2

Ata yi máma Elihu Barakel ma Bus ma ad’u andjafâ hi Ram-ma goroma hurum zala. Hurum zal ngola ata Job, kayam Job mi dala mam mi ma d’ingêrâ avok Alona.

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Jeremi 14:4

Andagad’a ti wak ngongok, kayam alona nga mi se yam ambasa d’i. Suma zuma a mbut zulona, a tchok yazi kä abo zulona.

Daniel 4:17

Nga hurâ hi malaika suma ndjola ni vun ma hed’a hi suma a tinizi irazi vazina, tala ar suma a nga ki irazi yam andagad’ina a wala Alo ma sä akulo ma kal teglesâ nga mi te yam leud’a hi suma yam andagad’ina pet, nga mi hat mi sama mam hurum minima, nga mi hle yam suma bugolâ akulo mi d’a.

Malatchi 2:17

Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.