Wana ni mbaktumba hi Job-pa 8:3 - Bible azumeina

³ Na ni Alona mi b’lak sariya d’a d’ingêra woi zu? D’oze Ma ad’engêm kal petna mi b’lak zla d’a d’ingêra woi mi zu?

Wana ni mbaktumba hi Job-pa 8:3 Iomraidhean Croise

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

2 Sunda Hamuleinid’a 19:7

Kayam ndata, agi lagi mandara Ma didina, agi gologi tagi djivi ata yima agi mba kagi sariyad’ina, kayam mbut ira nga ata Ma didina Alo meina d’oze nga mi man sa yam ngol mamba d’oze nga mi ve bege d’a mbut ira abo sa d’uo mi.

Wana ni mbaktumba hi Job-pa 10:3

Na ni djivid’a irang á lang tchod’a, á gol vama ang luma is, á ndjun zla d’a suma asa’atna a nga huruzi kata zu?

Wana ni mbaktumba hi Job-pa 19:6

Ar agi wagi ala nAlona ba, mi lan tcho ndata ni mamu, ni mam ba, mi nguyun kä kabei mamba mi.

Wana ni mbaktumba hi Job-pa 19:7

Gola! An nga ni tchi abo wudjut ta atanda, wani sama hulongôn humba nga d’i. An nga ni yi ala a ndjununu, wani sama mi mba á kan sariya d’a d’ingêrina nga d’i.

Wana ni mbaktumba hi Job-pa 21:15

Ang Ma ad’engêng kal petna ni nge ba, ami lang sun nda magomba ge? Ami mba fami ni me ata yima ami nga tchenengâ ge?

Wana ni mbaktumba hi Job-pa 21:20

Ni mam tamba ba, mi gol ndak mamba ki iramu, ni mam tamba ba, mi tche ayîna hi Ma ad’engêm kal petnina mi.

Wana ni mbaktumba hi Job-pa 34:5

Job mi dala: An ni ma bei zlad’a kana, wani Alona mi ndumun nga ma d’ingêrâ d’i!

Wana ni mbaktumba hi Job-pa 35:13

A er ad’uzi ni hawana, wani Alona nga mi hum mbi. Ma ad’engêm kal petna va ndolom nga tu d’i.

Wana ni mbaktumba hi Job-pa 36:23

Ni nge ba, mi tagam lovota ge? Ni nge ba, mi ndak á dum ala: Ang le nga ata yat tuo ge?

Wana ni mbaktumba hi Job-pa 36:3

An mba ni feï ne manda nata yima deina, an mba ni de woi yam d’ingêra hAlo ma lanid’a.

Wana ni mbaktumba hi Job-pa 37:23

Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Wana ni mbaktumba hi Job-pa 4:17

Sana mi ndak á mbut d’ingêr avok Alona zu? Sana mi ndak á mbut yed’et avok Ma luma zu?

Wana ni mbaktumba hi Job-pa 40:2

Ang djin d’i’â furungû, ang kak mandjufâ. An nga ni djobongû, ar ang van ad’ud’a!

Wana ni mbaktumba hi Job-pa 40:8

Ang ngeyezi kä aduk andaga d’a gugud’upa ki zla tazi pet, ang djinizi kä kur nduvunda.

Wana ni mbaktumba hi Job-pa 9:2

Gagazi, an we woi tetet ala ni hina! Ni nana ba, sana mi mbut sama d’ingêrâ avok Alona ge?

Sawal la giled’a 89:14

Ni bigang ang ba, tad’enga kal pet, nabong ang ba, mi sib’ika kal pet, abong ma ndjufâ, mi nga zid’a akulo mi.

Sawal la giled’a 99:4

Ar azi gileng ang amul ma min d’ingêrina. Ni ang ba, tin d’ingêra ki sariya d’a ka d’a irata aduk andjafa hi Jakob-ma mi.

Ezekiyel 18:25

Agi nga dagi ala: Lovota hi Ma didinid’a nga d’ingêr ri. Agi Israel-lâ, agi humagiya. Ni lovot manda ba, ti nga d’ingêr ruo zu? Ni lovot magid’a ba, ti nga d’ingêr ruo d’ö gi?

Ezekiyel 33:17

Sum mangâ a nga dala: Lovota hi Ma didinid’a ti nga ata yat ti. Wani ni lovot mazid’a ba, ti nga ata yat tuo dö!

Ezekiyel 33:20

Agi Israel-lâ, agi nga dagi ala lovot manda ti nga ata yat ti. Agi wagi ala an mba ni ka sariyad’a yam nge nge pî adigagi ni yam tit mamba.

Daniel 9:14

Ma didina, ang nga mbami ndak ndata kami teteu, kayam ang Ma didina Alo mamina ni Ma d’ingêrâ kur sun nda ang nga lata pet. Wani ami humung nga vunang ngi.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Vama ndum mbeina 16:7

An hum del la tcholï ata yima ngal dubang ma his djivid’ina ti dala: Â, Salad’a Alo ma ad’engêm kal petna, sariya manga ni gagazi, ni d’ingêr mi.