Wana ni mbaktumba hi Job-pa 8:20 - Bible azumeina

²⁰ Alona nga mi ar sama iratna woi d’i, nga mi ndjun suma asa’atna d’uo mi.

Wana ni mbaktumba hi Job-pa 8:20 Iomraidhean Croise

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Wana ni mbaktumba hi Job-pa 21:30

Kur bur ma ndaka a mba ar ma asa’atna hawa, kur bur ma ayîna mam mba mi prut tei mi.

Wana ni mbaktumba hi Job-pa 4:7

Ang djib’era, na ni sama bei zlad’a kama mi ba woi yam tu zu? Na ni suma d’ingêrâ a dap wa woi yazi tu mi zu?

Wana ni mbaktumba hi Job-pa 9:22

Ahlena pet a nabo tazi tu. Ni kayam ndata ba, an ve tan á ded’a ala: Mi nga mi tchi sama bei zlad’a kama woi mi na, mi tchi sama zlad’a kama woi mi.

Sawal la giled’a 34:17

Ma didina mi mbut iram á kak djangûna ki suma asa’atna, á hled’ezi woi yam andagad’a tala sa djib’er kazi bugol luo d’a.

Sawal la giled’a 37:24

Le mi puk kä pî, nga mi ba kä d’i, kayam Ma didina nga mi vum abom akulo.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Sawal la giled’a 94:14

Kayam ang nga ar sum mangâ woi d’i, ang nga noî mang suma ang tazi djonina woi d’uo mi.

Zla d’a d’ogolâ 10:9

Sama mi tit tit ta ata yatina nga mi kak ki halasa, wani sama nga mi tit tit ta ata yat tuo d’ina, ad’um mba d’i ge woyo.

Isai 45:1

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala: