Wana ni mbaktumba hi Job-pa 7:21 - Bible azumeina

²¹ Ni kayam me ba, ang vat hurung ngei yam tcho manda d’uo ge? Ni kayam me ba, ang mar rei yam tcho manda d’uo ge? Ki tchetchemba, an nga ni i bur kä aduk andaga d’a gugud’upa; ang mba halanu, wani ang mba fan nduo d’a.

Wana ni mbaktumba hi Job-pa 7:21 Iomraidhean Croise

2 Samuel 24:10

David mi we tcho mamba kayam ndum mba mi ndum sumid’a, mi de mi Ma didina ala: Kid’a an le hina d’a, an le ni tcho d’a ngola! Ki tchetchemba, Ma didina, ang vat hurung ngei yam tchod’a hi an azong mangîd’a, kayam an le ni sun nda lilid’a.

Wana ni mbaktumba hi Job-pa 10:14

Le an le tchod’a ni, ang wan wa, hurung nga vat tei yam tcho manda d’i.

Wana ni mbaktumba hi Job-pa 10:9

Ang djib’era, ni ang ba lan d’igi vama lum ki lubu ma ab’lorinina na. Ki tchetchemba, ang min hulongôn kä aduk andaga d’a gugud’upa zu?

Wana ni mbaktumba hi Job-pa 13:19

Ni nge mi tchi tuguyod’a ki sed’en nge? Le mi nga ni, an ni ba, ni mid’a.

Wana ni mbaktumba hi Job-pa 14:10

Wani le sana mi mid’a ni, zlam dap da’. Gagazi, sana mi mid’a, a dok fumî lara d’ei ge?

Wana ni mbaktumba hi Job-pa 17:14

le an de masud’a ala: Nda’î abunu, le an de mi ndjuvulâ ala: Angî asun ki wiyenda,

Wana ni mbaktumba hi Job-pa 20:8

Mam mba mi pir d’igi adï d’a ded’a na, a mba fum bugol luo d’a, a mba digim d’igi vama nde tam irang andjegena na.

Wana ni mbaktumba hi Job-pa 27:19

Nga mi bur kä ki ndjondjoî mamba, wani nga mi tchol akulo ki sed’et ti; mi mal iram mbei wani va nga d’i.

Wana ni mbaktumba hi Job-pa 3:13

Ladjï an mid’a ni, an kak wa tchugot; ladjï an bur sena ni, tan tuk wa halas

Wana ni mbaktumba hi Job-pa 33:9

An ni ma yed’etna, an tchila nga d’i, zla nga kan ndi, tcho nga kurun nduo mi.

Wana ni mbaktumba hi Job-pa 7:8

Ir ra nga d’i wanda mba d’i wan bugol luo d’a, ang mba halanu, wani ang mba fan nduo d’a.

Wana ni mbaktumba hi Job-pa 8:1

Bildat ma Suwa-na mi de mi Job ala:

Wana ni mbaktumba hi Job-pa 9:28

an nga ni le mandarâ abo ndak manda pet, an wala ang Alona mba ndumun d’igi sama bei zlad’a kama na d’i.

Sawal la giled’a 103:15

Sana burum ni d’igi asuna na, mi ni d’igi b’od’a hasu ma abageinid’a na mi.

Sawal la giled’a 37:36

Bugol an kal ata yi máma, gola, mi nga d’i! An halamu, an fum nga d’i!

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Isai 64:9

Azì mang ma nglo ma a tinim iram vama mi mbut wa fulâ, Siyon ti mbut wa fulâ mi. Jerusalem ti ar wa samba agra mi.

Daniel 12:2

Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

Wana ni mbaktumba hi Oze-d’a 14:2

Agi mbeyegï ki zla d’a avunagid’a gen Ma didina, agi dum ala: Ang vat hurung ngei yam tchila mamid’a pet, ang vami atang ki djivid’a. Ami mba suburung ki vunami kal la ami hang amuhlîd’a.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

1 Jean 1:9

Wani le ei dei woi yam tcho meid’a avok Alona ni, Alona ni Ma d’engzeng ma d’ingêrâ, mba mi vat hurum mbei yam tcho meid’a, mba mi mbuzi woi yed’et kur tcho meid’a pet mi.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.