Wana ni mbaktumba hi Job-pa 7:11 - Bible azumeina

¹¹ Ni kayam ndata ba, an ndak á ba vunan nduo, an mba ni de woi yam ndak ka nga kurunda, an mba ni yor tan yam ndak ka tcho d’a nga atanda mi.

Wana ni mbaktumba hi Job-pa 7:11 Iomraidhean Croise

Ad’u Tinda 42:21

Azi de tazi ala: Gagazi, ndaka mba kei wani ni yam zlad’a hi wiyeinid’a. Ata yima mi tchenei ala ei vum hohowomu, ei wum ndak mamba na, ei humum nga d’i. Ni kayam ndata ba, ndaka mba kei wana.

Wana ni mbaktumba hi Job-pa 10:1

Job mi de kua ala: An gol kak manda ni vama ndjendjed’a iranu. An mba ni de zla yor ta manda woi abua. Kur hur man ma hat ma tchona, an mba ni de zla manda woi abua.

Wana ni mbaktumba hi Job-pa 10:15

Le zlad’a vanu ni, ni zla d’a hohoud’a kanu! Le an ni sama bei zlad’a kana ni, an ndak á hle yan akulo d’i. Abo zulo ma tok kana, an ka guruta woi abo ndak manda mi.

Wana ni mbaktumba hi Job-pa 13:13

Agi bagiya! Agi aran an de zlad’a! Le ni zla me ti mba kan pî, ar ti mba!

Wana ni mbaktumba hi Job-pa 16:6

Le an de zlad’a pî, ndak manda nga d’i ban ndi. Le an ar bei de zlad’a pî, ndat mba d’i wal lei ki sed’en ni nana ge?

Wana ni mbaktumba hi Job-pa 21:25

Suma dingâ a nga kaka kur yor tad’a gak mat mazina bei a djuk djivid’a hina nde ba.

Wana ni mbaktumba hi Job-pa 23:2

Gak ini tchi mana mi mbut ni vama kak djangû mana. An ndak nga á ve vun zam ta manda kä d’i.

Wana ni mbaktumba hi Job-pa 36:21

Ang gol tang djivi á hulong ata tchod’a. Ni kayam ndata ba, ang nga kur ndaka wana.

Wana ni mbaktumba hi Job-pa 6:26

Agi djib’eregi ala agi ngobon yam zla man nda ded’a zu? Agi djib’eregi ala zlad’a hi sama mi nga ki hur ma tinda d’uo na ni d’igi simetna hawa na zu?

Wana ni mbaktumba hi Job-pa 9:27

Le an dala: An mba ni djib’er yam tchi mana d’uo, an mba ni ar yor ta manda woyo, an mba ni le furîd’a ni,

Sawal la giled’a 39:3

Kayam ndata, an ka’î d’igi sama ndumîd’a na bei de zlad’a. Le an noî á de zla d’a djivid’a pî, pupuluk manda nga d’i i avogovogo.

Sawal la giled’a 40:9

Alo mana, tan lan djivid’a á le min manga, gat manga nga kurun krovo mi.

Isai 38:15

An de nana dei ge? Ni mam ba, mi lahle ndazina. An mba ni tit ni yan ged’a kä hina gak ni dap biza manda abo hurun ma mi b’la’â.

Isai 38:17

Gola! Hur man ma b’laka mi mbut ni furî manda. Ang tang lan djivid’a, ang prud’un ndei avun matna, kayam ang tchuk tcho manda sä woi blogong dei.

Wana ni Zla d’a Djivi d’a Luc mi b’irita 22:44

Kayam mi nga kur a’alîd’a, mi tchen Alona ki so tad’a, zumal la kamba nga d’i tol kä d’igi buzuna na mi.]

2 Korente-na 2:4

Kayam an b’irigi mbaktum ndata ni kur ndaka ki hur ma hata ki simina iran ná zalagi hurugi d’i, wani kayam agi wagi ala an nga ni le kagi heî.

1 Samuel 1:10

Anne nga kur hur ma hata, nga d’i tchen Ma didina ki simina irad’u.