Wana ni mbaktumba hi Job-pa 5:2 - Bible azumeina

² Hur ma zala nga mi tchi sama yam nga kam mbuo na woyo, ayîna nga mi tchi sama lilid’a woi mi.

Wana ni mbaktumba hi Job-pa 5:2 Iomraidhean Croise

Ad’u Tinda 30:1

Ata yima Rachel ti wala ndat ti vut nga gor mi Jakob puo na, ti nde le yungôra ata wiyeta, ti de mi Jakob ala: Ang han grona! Le hina d’uo ni, an mba ni mid’a!

Ad’u Tinda 38:9

Wani Onan mi wala andjaf máma nga ni mama d’uo. Ni kayam ndata ba, ata yima lara ma mi zlap katchad’a hi wiyemid’ina, mi ar sumurum ti vo kä woi andaga, kayam mi min djok andjaf wiyema d’i.

Wana ni mbaktumba hi Job-pa 18:4

Ang ma b’lak tang ngei kur ayî mangîna, a mba mbut andagad’a vama hawana kayam ang zu? A mba djok ahinad’a woi yima dingâ kang ang zu?

Sawal la giled’a 107:17

Suma ding suma yazi nga d’uo na, kur sun mazid’a murud’umba, yam tcho mazi d’a led’a a mbut hohoud’a.

Sawal la giled’a 14:1

Ni sawal la David mi hlat mi hat mi ma ngolâ hi suma hle sawalina. Suma lilid’a a nga de kuruzi ala: Alona nga d’i! Azi ni suma b’lak keina, a le ni sun nda ndjendjed’a; sama le djivid’a tu pî nga d’i.

Sawal la giled’a 75:4

Andagad’a kahle suma kurutna pet a mba giged’a, wani ni an ba ni sirat ad’ud’u. Tchol ndjö

Sawal la giled’a 92:6

Ma didina, sun mang nga ang lata ni d’a kal teglesa, djib’er manga ni d’a ndak á sana mi wat ad’ut tuo d’a!

Zla d’a d’ogolâ 12:16

Sama lilid’a nga mi tak hur mam ma zala woi atogo zak, wani sama ned’a mi nga mi ve ngula atamu.

Zla d’a d’ogolâ 19:16

Sama nga mi ngom vun ma hed’ina mi ngomî tamu, sama nga mi gol lovot mamba isâ mba mi mid’a.

Zla d’a d’ogolâ 19:19

Ar sama hurum zal heîna mi fe wurak mamba. Le ang vum kä pî, nga mi i avogovogo.

Zla d’a d’ogolâ 27:3

Ahinad’a ti hlaneka, lesâ maneka heî mi, wani hur ma zal ma sama lilid’a mi zalangzina, mi hlaneka kalaziya.

Zla d’a d’ogolâ 8:5

Agi suma bei wäd’u zlad’a ba na, agi had’agi ned’a, agi suma lilid’a, agi had’agi wad’ud’a.

Ma tchi wala 7:9

Ar ang mbut ayîna atogo d’i, kayam sama lilid’a mi mbut ayîna atogo.

Wana ni mbaktumba hi Oze-d’a 7:11

Suma Efraim-ma a mbut ni d’igi gugu d’a yat nga d’uo d’a bei wad’ud’a ba d’a na, a nga yi Ezipte-na, a nga i Asiri mi.

Jonas 4:9

Alona mi de mi Jonas ala: Hur mang ma zal ma yam terer ndatina nata yat tchu? Jonas mi hulong dum ala: Nata yad’u! An zal hurun gak matna!

Romê-na 2:8

Wani Alona mba mi tak ayî mam ma bibiliuna woi mi suma a kak djangûna ki sed’em suma a nga ge yazi kä ad’u gagazid’a d’uo suma a nga tit kur tchod’ina.

2 Timote 3:6

Aduk sum ndazina, suma dingâ a nga si kä hur azina, a tan arop suma afefet suma a nga le magomba mi tchod’ina, narop suma d’od’oka hi hliuna d’a lara ge nga d’i tanazina.