Wana ni mbaktumba hi Job-pa 5:13 - Bible azumeina

¹³ Nga mi vik suma ned’a kur lem mazid’a, nga mi b’lak d’alâ hi suma wed’a heîna woi mi.

Wana ni mbaktumba hi Job-pa 5:13 Iomraidhean Croise

2 Samuel 15:31

A mba de mi David ala: Ahitofel mi nga aduk suma a ndjak vunazi tu ki Apsalom-ma. David mi dala: Ma didina, an nga ni tchenengû, ar ang b’lak d’alâ hi Ahitofel-lâ woyo.

2 Samuel 15:34

Wani ang hulong avo kur azì ma ngolâ, ang de mi Apsalom ala: Salana, amul mana, avoka an nazongâ habungâ, wani ki tchetchemba, an arî azong mangâ. Hina wani, ang mba pleî d’alâ hi Ahitofel-lâ woi kanu.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

Ester 7:10

A gap Haman akulo ata agu ma mi minim yam Mardose-na. Ata yi máma amulâ hurum b’lengâ.

Ester 9:25

Wani ata yima Ester ti tchol avok amulîna, amulâ mi he vuna kur mbaktumba ala: Ar tcho d’a Haman mi ngat kurum á lat mi Juif-fîd’a ti hulong kamu, a gabam akulo ata aguna, mam ki groma mi.

Wana ni mbaktumba hi Job-pa 15:5

Tcho manga ti nde woi avunangû, ang man ni zla d’a ded’a hi suma lembid’a.

Wana ni mbaktumba hi Job-pa 37:24

Ni kayam ndata ba, suma a nga lum mandaramu. Wani nga mi djib’er yam suma a nga yi tazi ala azi ni suma ned’a na d’i.

Sawal la giled’a 18:26

Sama d’engzengâ, ang nga tagam d’engzeng manga; sama d’ingêrâ, ang nga simid’am d’ingêr manga mi.

Sawal la giled’a 9:17

Ma didina mi tak tam mbeyo, mi ka sariya d’a d’ingêra; sama asa’atna nga mi ve tam ki dau ma mam tam gunuma. Tchol ndjö

Zla d’a d’ogolâ 3:32

Kayam Ma didina nga mi gol suma a nga le zla d’a ata yat tuo d’ina is, wani mi ni suma iratna banazina.

Isai 19:3

Ve tad’a hi Ezipte-nid’a mba d’i dap peyo. An mba ni pleyêzi d’al mazina woyo, a mba djop alo ma ka zlad’a ki suma a djop ki suma azuleinina ki suma mbuta ki suma a nga de zlad’a yam vama nga mi mbana mi.

Isai 44:25

An nga ni b’lak ahle suma taka hi suma djok vun suma ka zlad’a woyo, an nga ni mbut suma djop fileina lilid’a, an nga ni hulong suma ned’a bugolo, an nga ni mbud’uzi we mazid’a lilid’a mi.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 49:7

Wana ni zla d’a a dat yam suma Edom-mid’a: Ma didin ma ad’engêm kal petna mi dala: Na ni sama ne nga avo Teman nduo zu? Mazi suma de d’alâ a dap pei zu? Ne mazid’a ti b’lak kei mi zu?

Jeremi 8:8

Ma didina mi dala: Ni nana ba, agi ndak á dagi ala: Ami ni suma ned’a, ami ni suma gata hi Ma didinid’a nga abomina ata yima magi suma hat gat suma ka zlad’a a nga had’at ata lovod’ot tuo na ge?

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Jeremi 9:22

Ma didina mi de mi Jeremi kua ala: Ang dazi ala an dala: Matna mba mi sam kä d’igi siligitna mi sam kä abagei kur asinena na, d’igi mbugulud’a ti sam kä bugol sama zed’a ta sama yotna nga d’uo d’a na.

Ndumba 22:25

Korod’a ti we malaikana hi Ma didinina, ti hep sä tat ata gulumuna, ti ket sä asem Baläm ata gulumuna. Baläm mi wad’at kua.

Wana ni Zla d’a Djivi d’a Luc mi b’irita 1:51

Mi tak sun nda ad’eng nga mi lat kabomba woyo, mi ndjoî suma a nga ki djib’er ra yam mba ad’enga kuruzina woi yayak.

1 Korente-na 3:19

Kayam ned’a kur duniyad’a ka hid’a ni lilid’a ir Alona. D’igi mbaktumba hAlonid’a ti de na ala: Alona mi vik suma ned’a ki lem mazid’a.