Wana ni mbaktumba hi Job-pa 42:10 - Bible azumeina

¹⁰ Bugol la Job mi tchen yam buniyôma tchenda, Ma didina mi hulongôm tinda kur djivi mam mba adjeud’a. Mi hulong mi hum ahlena yam ahle suma mam nga ki sed’ezi adjeu suma a ba woina kam kua mbàmbà.

Wana ni mbaktumba hi Job-pa 42:10 Iomraidhean Croise

Ad’u Tinda 20:17

Abraham mi tchen Alona; Alona mi sut Abimelek kamamba ki yugunei mama, kayam azi á vud’a.

2 Sunda Hamuleinid’a 25:9

Amasiya mi de mi sana hAlonina ala: An mba ni fe ni me yam bege man nda hap pa go ki tonna hindi d’a an hat mi azigar suma Israel-lîd’a ge? Sana hAlonina mi hulong dum ala: Ma didina mi nga kad’enga á hang bege d’a kal ndatid’a!

Wana ni mbaktumba hi Job-pa 1:2

Mi vut gro andjofâ kid’iziya ki gro aropma hindi mi.

Wana ni mbaktumba hi Job-pa 1:3

Tumiyô mama ni 7000, djambala ni 3000, amuzlei suma zuma ni kakapa 500, koro d’a aropma ni 500, suma a lum sundina ablaud’a heî mi. Ni sama ngol ma kala aduk suma abo ma yorogo suma mam nga kaka adigazina.

Wana ni mbaktumba hi Job-pa 42:9

Elifas ma Teman-na, Bildat ma Suwa-na ki Sofar ma Näma-na a i le d’igi Ma didina mi dazi na. Ma didina mi hum tchen nda Job mi tchenem kazid’a mi.

Sawal la giled’a 126:1

Ni sawal la suma a djak Jerusalem á lü vun tilîna a hlata. Kid’a Ma didina mi hulongî mam suma a yozi magombina avo Siyon-nda, ami djib’eremi ni d’igi adïd’a dami ni ndat na!

Sawal la giled’a 14:7

Ni nge ba, mba mi mba ki suta yam Israel-lâ kur Siyon nge? Fata Ma didina mba mi hulongôzï woi kur magombid’a, ata yi máma andjafâ hi Jakob-ma mba mi le furîd’a, Israel-lâ a mba le hur ma hapma.

Sawal la giled’a 53:6

Fata Alona mba mi nde tam mbei aduk suma d’ingêrîd’a, azi mba le mandarâ. Ata yi máma azi mba zlak abo mandarâ bei we vama azi le mandarâ aboma ba. Alona mba mi sam asok suma a ndang ayînina woi abageya. Ang mba mbud’uzi zulona kayam Alona mi noyôzi woyo.

Zla d’a d’ogolâ 22:4

Sama mi ge yam kä, mi le mandara Ma didinina, mba mi fe ni ndjondjoîd’a ki subura, mba mi te tatâ mi.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 61:7

Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

Wana ni mbaktumba hi Aze-d’a 2:8

Bege d’a hapa ni manda, lora ni manda mi.

Ndumba 12:13

Moise mi tchi avok Ma didina ala: Alo mana, an nga ni tchenengû, ang sud’ud’u!

Ndumba 12:2

Na ni Ma didina mi de ni zlad’a ki Moise tutu zu? Nga mi de zlad’a ki ei mei d’uo zu? Ma didina mi hum zla ndata.

Ndumba 14:10

Ablau d’a peta ti dala: Ei duruzi kahinad’a á tchazi woyo. Ata yi máma na wat subura hi Ma didinid’a ti b’o woi ir Israel-lâ yam zlub’u d’a ngaf tad’a.

Wana ni Zla d’a Djivi d’a Luc mi b’irita 16:27

Ma ndjondjoîna mi dala: Abunu, le hina ni, an nga ni tchenengû, ang sun Lazar avo habunu,

Sunda hi suma a sunuzinid’a 7:50

Ni an ba ni lahle ndazina pet kabon nduo zu?

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Gat ta a hat á mbàd’id’a 30:3

ata yi máma Ma didina mba mi wagi hohowogiya, mba mi yogï woi kur magomba, mba mi togogï kur ambas sa lara d’a mam mba mi ndjoyôgi woi kura.

Gat ta a hat á mbàd’id’a 8:18

Agi djib’eregi yam Ma didina Alo magina. Ni mam ba mba mi hagi ad’enga á fahle suma ndjondjoî ndazina á ndak vun ahle ndazina d’igi mam lazi ini na yam vun ma djin ma mam djinim kabuyogi ngolona.

Gat ta a hat á mbàd’id’a 9:20

Ma didina hurum zal ngola yam Aron kur bur máma gak mi min á tchum mbeyo, wani an tchen yam Aron kur bur máma mi.

Jacques 5:11

Gola! Ei nga yorozi kayam azi ve tazi ad’enga. Agi humugi wa zla ve tad’a hi Job-pa. Agi wagi vama Ma didina mi le ki sed’em bugolâ, kayam Ma didina ni ma we hohowa sumina, ni ma sumad’a mi.

1 Samuel 2:7

Ma didina nga mi mbut sana houd’a, nga mi mbut sana ma beged’a mi; nga mi hulong sana yam kä, nga mi hle sana yam akulo mi.

1 Samuel 2:8

Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.