Wana ni mbaktumba hi Job-pa 40:4 - Bible azumeina

⁴ Ang nga kad’enga d’igi an Alona na zu? Deleng nga breîd’a ni d’igi manda na mi zu?

Wana ni mbaktumba hi Job-pa 40:4 Iomraidhean Croise

Ad’u Tinda 18:27

Abraham mi hulong dum ala: Gola! An ve tan ad’enga á de zlad’a ki ang Salana, an mala nandaga d’a gugud’upa ki butna na.

Ad’u Tinda 32:10

an kid’ak kei ata djivi manga ki d’engzeng manga pet suma ang lazi ki an azong mangîna. Adjeu an djak alum ma Jurdê-na ni ki totogod’a abonu; ki tchetchemba, an nga kadesâ mbà.

2 Samuel 24:10

David mi we tcho mamba kayam ndum mba mi ndum sumid’a, mi de mi Ma didina ala: Kid’a an le hina d’a, an le ni tcho d’a ngola! Ki tchetchemba, Ma didina, ang vat hurung ngei yam tchod’a hi an azong mangîd’a, kayam an le ni sun nda lilid’a.

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

Esdras 9:15

Ang Ma didina Alona hi Israel-lîna, angî Ma d’ingêrâ, kayam ang ar suma a arâ adigami ini tcha. Gola! Ami nga avorong ka hî ki tcho mamid’a, ami ndak á tchol avorong ki tcho ndata d’i.

Esdras 9:6

an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.

Nehemi 9:33

Angî d’ingêr kur ahlena pet suma a mba kamina, kayam angî ma d’engzengâ, wani ami lami tchod’a.

Wana ni mbaktumba hi Job-pa 16:21

Ar glangâs mana mi kak sama min zlad’a adigami kAlona d’igi sana nga mi le yam andagad’a ka hî ki ndrama na mi!

Wana ni mbaktumba hi Job-pa 21:5

Agi golondiya, agi lagi atchap, agi dugugi abogi avunagiya.

Wana ni mbaktumba hi Job-pa 29:9

Suma nglona a ba zla mazi d’a ded’a, a duk abozi avunazi mi.

Wana ni mbaktumba hi Job-pa 31:37

An mba ni ndumum ablaud’a hasen ma titid’a tutu pet, an mba ni hut gevem go d’igi sama ngolâ na.

Wana ni mbaktumba hi Job-pa 37:19

Ang tagami vama ami ndak á dumzina, ami ndak á dum va d’i abo bei we mamid’a.

Wana ni mbaktumba hi Job-pa 40:3

Gagazi, na ni ang min tchan sariya manda woi zu? Ang min mbud’un ma ka zlad’a á mbut zla manga d’ingêr zu?

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Sawal la giled’a 39:9

Ang prud’un ndei kur tchila manda pet, ar an mbut vama ngula avok suma lilid’a d’uo mi.

Zla d’a d’ogolâ 30:32

Le ang nga lahle suma lilid’a kur subur ta manga, d’oze le ang nga ki djib’er ra tchod’a ni, ang duk abong avunangû.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Isai 64:6

Sama mi yang simiyêng ma mi tchol akulo á reî ki sed’engâ nga d’i. Ang ngei tang ngei iramiya, ang arami ami pugumi kä kur tcho mamid’a yam tchila mamid’a.

Hor ma tchina 3:29

Ar mi pe vunam kä aduk andaga d’a gugud’upa. Dam tin hurâ nga tua.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Daniel 9:5

Ami lami tchod’a, ami lami sun nda batranga, ami lami asa’ata, ami song vunangû, ami arami vun mang ma hed’a ki gat manga woyo.

Daniel 9:7

Salad’a, angî ma d’ingêrâ, wani ami zulona nga mi lami ini ki suma Juda-na ki suma a nga kaka Jerusalem-ma ki Israel-lâ pet, suma gogona ki suma dedeina kur ambas sa lara ge pet ta ang ndjoyôzi woi kua yam tcho d’a azi langzid’a.

Sunda hi suma hi Levi-nid’a 13:12

Le libina mi buzuk kei atam pet, tinï ad’ud’a kam akulo dei i kä asemu, ata yima lara ge pet ma ma ngat buzu máma

Mise 7:16

Andjaf suma ki sib’ik mazid’a hina pet pî, a mba we, a mba mbut zulona, a mba tin abozi avunaziya, humazi mba d’i ngel lei mi.

Habakuk 2:20

Wani Ma didina mi nga kaka kä kur gong mam mba kud’ora; ar suma yam andagad’ina pet a seng silil avoromu!

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.

Wana ni Zla d’a Djivi d’a Luc mi b’irita 18:13

Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

Suma ka sariyad’a 18:19

Azi hulong dum ala: Ang ba! Ang duk abong avunangû! Ang mbeï ki sed’emiya! Ang mba mbut nabumiya, ang mba mbut ma ngat buzu mamina mi. Djivid’a ang le sunda mandjafâ kadesâ hi Israel-lîna, kal la ang lat mi sama tunid’a d’uo zu?