Wana ni mbaktumba hi Job-pa 40:11 - Bible azumeina

¹¹ Gola! Ad’engêm nata furumu, sib’igim nata hliwim krovo mi.

Wana ni mbaktumba hi Job-pa 40:11 Iomraidhean Croise

Wana ni mbaktumba hi Job-pa 20:23

Ata yima mi min tam á hop hayama, Alona mba mi mba kayî mam ma bibiliuna kamu, mba mi sumzi kam kä á mbut te mama.

Wana ni mbaktumba hi Job-pa 21:30

Kur bur ma ndaka a mba ar ma asa’atna hawa, kur bur ma ayîna mam mba mi prut tei mi.

Wana ni mbaktumba hi Job-pa 27:22

A mba yed’em ki yeûd’a bei wum hohowomu, mam mba mi ring á sut tam abod’u.

Wana ni mbaktumba hi Job-pa 4:9

Alona mba mi tchazi woi ki fo mamba, mba mi ngalazi woi ki simetna hayî mam ma bibiliunina.

Wana ni mbaktumba hi Job-pa 9:5

Nga mi djok ahinad’a woi bei ti we ba, kur ayî mama nga mi ulozot ad’ut akulo kad’u.

Sawal la giled’a 144:6

Ang ar alona mi wile mi b’rau man suma djangûna woyo, ang yed’ï yeû manga ti b’rau azigar mazina woi yayak mi.

Sawal la giled’a 94:2

Ma ka sariyad’a yam andagad’ina, ang tchol akulo, ang he suma yam mba ad’enga wurak mazid’a yam sun nda azi lata.

Buzuk ka Abud’a 15:6

Ma didina, abong ma ndjufâ mi tak ad’eng manga woyo. Ma didina, abong ma ndjufâ mi hahl mang suma djangûna woyo.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 22:19

Ma didina mi dang ala: An mba ni diging ngei kur sun manga, an mba ni pad’ang ngei ata yang ma kaka mi.

Isai 23:9

Ni Ma didin ma ad’engêm kal petna ba, mi nga hurum hina á hulong yam suma yam mba ad’eng suma a nga subur tazina kä, á hulong yam suma pet suma a nga hazi ngola ka hî yam andagad’ina yazi kä mi.

Isai 25:11

Kur zul ndata a mba mat abozi d’igi sama nusa mi mat abom á nusa na, wani Ma didina mba mi hulongôzi yam mazi d’a ad’enga kä ki sun nda azi nga lat kabozid’a.

Isai 26:5

Mi zut suma a nga kaka akulo ata yima ndingîna kä, mi zut azì ma ngol ma akulo ata yima ndingîna kä andaga, mi tom kä woi andaga ndjandjam mi.

Isai 42:25

Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Jeremi 48:29

Ami humumi zla yam mba ad’enga hazì ma Mowap-ma d’a kal teglesa, ami humumi zla yam ad’eng mamba, zla subur ta mamba, zla tum didik mama, zla yam mba ad’eng nga kurum krovod’a mi.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Daniel 4:24

Amulâ, wana nad’u adï ndata. Wana ni nga hur ma Alo ma sä akulo ma kal teglesâ mi ngam kang ang salana amulîna!

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Nahum 1:8

Wani mba mi b’lak azí ma ngol máma woi kabil ma nga mi sulul lei huhubupma, mba mi dik mam suma djangûna gak mi tchuguzi kur nduvunda.

Wana ni Zla d’a Djivi d’a Luc mi b’irita 18:14

Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.