Wana ni mbaktumba hi Job-pa 4:9 - Bible azumeina

⁹ Alona mba mi tchazi woi ki fo mamba, mba mi ngalazi woi ki simetna hayî mam ma bibiliunina.

Wana ni mbaktumba hi Job-pa 4:9 Iomraidhean Croise

2 Amuleina 19:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

Wana ni mbaktumba hi Job-pa 1:19

Gol wani, babar ma ngolâ mi tcholï abo ma hur fulîna, mba mi giget gonga kengêt ma fid’ina, ti dris kä yam grong ndazina, a bo. Ni an tu ba, ni sud’a, ni mba á dang wana!

Wana ni mbaktumba hi Job-pa 15:30

Mba mi wal ki nduvunda d’i, sin akud’a mba d’i som abo agu mama woyo, Alona mba mi felem mbei dei ki fo d’a avunamba.

Wana ni mbaktumba hi Job-pa 40:11

Gola! Ad’engêm nata furumu, sib’igim nata hliwim krovo mi.

Wana ni mbaktumba hi Job-pa 40:13

Asogomî d’igi kawei ma murguli ma hleuna na, asok ma pepeyema mi ni d’igi kawei ma murguli ma wurana na mi.

Sawal la giled’a 18:15

Mi yet mam suma djangûna ki yeû mamba, mi b’rawazi woyo; wile mamba ti ndjoyôzi woi vivreng.

Buzuk ka Abud’a 15:10

Ma didina, ang fo simet ma avunangâ; alum ma ngolâ mi hlubuzi kä! Azi sir kä d’igi lomba na aduk mbiyo ma d’id’ilima.

Buzuk ka Abud’a 15:8

Ki muzuk ka atchinanga, mbina mi tok akulo yam tamu; mbiyo ma d’id’ilima mi tchol akulo woi d’igi gulumuna na, abilâ mi b’al ad’enga ngingi kä kur aluma.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Isai 40:7

Asuna mi so ata yima simetna hi Ma didinina mi sir kama, b’o mamba ti yak kei mi. Gagazi, suma a ni d’igi asuna na.

2 Tasaloni’â 2:8

Ata yi máma, Ma tchona mba mi nde tam mbei ir suma. Ni ma Salad’a Jesus mba mi tchum mbei ki fo d’a avunambina, mba mi b’lagam mbei ki b’o mamba fata mam mba mi mbad’a.

Vama ndum mbeina 2:16

Kayam ndata, ang mbut hurung yam tcho manga. Le hina d’uo ni, an nga ni mba atogo zak á dur ayîna ki sum ndazina ki mbigeu d’a fiyak ka avunanda.