Wana ni mbaktumba hi Job-pa 38:6 - Bible azumeina

⁶ A pat ad’ut kä ni kur me ge? Ni nge ba, mi tin ahina d’a djigit akulod’a kä ge?

Wana ni mbaktumba hi Job-pa 38:6 Iomraidhean Croise

Wana ni mbaktumba hi Job-pa 26:7

Mi bar abo ma norâ yam yima kikid’i’â, mi gang andagad’a akulo yam yima va nga kua d’uo na mi.

Sawal la giled’a 104:5

Ang tin andagad’a ni yam ad’ut ta ged’a; ti nga ni kaka hina ngingring bei gigeta ba gak didin.

Sawal la giled’a 118:22

Ahina d’a suma djak gonga a gat teid’a, ti mbut ta djik gonga akulod’a.

Sawal la giled’a 144:12

Ar gromi suma ndjofâ a ka’î d’igi agu ma pe ma wul abom keina na. Ar gromi suma aropma a ka’î d’igi ahle suma a d’udjozi huyok gonga hamulîd’a á mbud’ut djifina na mi.

Sawal la giled’a 24:2

Kayam mi gat ad’ut ni yam alum ma ngolâ, mi b’alat kä ad’enga ngingi yam mbina.

Sawal la giled’a 93:1

Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

Zla d’a d’ogolâ 8:29

Ata yima mi nga hagad’a malum ma ngolâ tala mbina mi tchila woi yam yima ngamzina d’uo d’a, an nga. Ata yima mi nga ad’u andagad’ina, an nga mi.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

2 Pierre 3:5

Kur min mazid’a azi mar yam ahle ndazina tala adjeu dei Alona lakulod’a kandagad’a ni ki zla d’a de d’a avunamba d’a. Andagad’a ti nde naduk mbina, mi minit ni ki mbina mi.

1 Samuel 2:8

Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.