Wana ni mbaktumba hi Job-pa 36:21 - Bible azumeina

²¹ Ang gol tang djivi á hulong ata tchod’a. Ni kayam ndata ba, ang nga kur ndaka wana.

Wana ni mbaktumba hi Job-pa 36:21 Iomraidhean Croise

Wana ni mbaktumba hi Job-pa 36:10

Nga mi gazi humazi á had’aziya, nga mi dazi ala a ar sun mazi d’a ata yat tuo d’a woyo.

Wana ni mbaktumba hi Job-pa 36:15

Wani Alona nga mi prut suma hohoud’a woi kur hohou mazid’a, nga mi gazi humazi ni ki ndaka mi.

Wana ni mbaktumba hi Job-pa 36:8

Le a djinizi ni ki kindjingâ d’oze a nga ni kur ndaka ni,

Wana ni mbaktumba hi Job-pa 7:11

Ni kayam ndata ba, an ndak á ba vunan nduo, an mba ni de woi yam ndak ka nga kurunda, an mba ni yor tan yam ndak ka tcho d’a nga atanda mi.

Sawal la giled’a 31:6

An hang muzugan abongû; Ma didina Alo ma gagazina, ang sud’un wa woyo.

Sawal la giled’a 66:18

Ladjï an ngom tchod’a kurunu ni, Salad’a mba mi humun ndi.

Ezekiyel 14:4

Kayam ndata, ang dazi ala: Salad’a Ma didina mi dala: Ma Israel ma lara ma mi tin hurum yam filei ma nga mi zud’um á le tchod’ina, le mi mba á djop ma djogon vunana ni, ni an Ma didina ba, mba ni hulongôm humba yam filei mam ma ablau máma.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Matiye 13:21

Wani sideyem mi i nga kä ngol li, mi ve tam ndjö. Wani ata yima ndaka d’oze djop vuna nga mi le suma yam zlad’a hAlonid’ina, atogo hina zak, mi ar zlad’a hAlonid’a woyo.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Hebre-na 11:25

Kayam mam min fe ndaka ki suma hAlonina kal mam fe djivid’a kur tchod’a ata yima ndjö wana.

1 Pierre 3:17

Djivid’a, le agi nga fagi ndaka yam sun nda djivid’a ni, ndata ni minda hAlonid’a, kal la agi fagi ndaka yam tchod’id’a.