Wana ni mbaktumba hi Job-pa 34:19 - Bible azumeina

¹⁹ Alona nga mi man sana yam ngol mamba d’i, nga mi wal ir sama ndjondjoîna ki sama houd’a d’uo mi, kayam azi djak ni sun nda mam lat kabomba.

Wana ni mbaktumba hi Job-pa 34:19 Iomraidhean Croise

2 Sunda Hamuleinid’a 19:7

Kayam ndata, agi lagi mandara Ma didina, agi gologi tagi djivi ata yima agi mba kagi sariyad’ina, kayam mbut ira nga ata Ma didina Alo meina d’oze nga mi man sa yam ngol mamba d’oze nga mi ve bege d’a mbut ira abo sa d’uo mi.

Wana ni mbaktumba hi Job-pa 10:3

Na ni djivid’a irang á lang tchod’a, á gol vama ang luma is, á ndjun zla d’a suma asa’atna a nga huruzi kata zu?

Wana ni mbaktumba hi Job-pa 12:19

Nga mi yo suma ngat buzuna magomba, nga mi tchuk suma te yamba kä.

Wana ni mbaktumba hi Job-pa 12:21

Nga mi mbut suma nglona vama a golom isâ, nga mi b’at ahle suma sïna woi abo suma ad’engâ mi.

Wana ni mbaktumba hi Job-pa 13:10

Le agi ndjunugi ad’umî ki mbut ira ni, gagazi, mam mba mi ngobogi ni ngop pa tchod’a.

Wana ni mbaktumba hi Job-pa 13:8

Agi min ndjunugi ad’u Alona zu? Agi min vragagi blangâm zu?

Wana ni mbaktumba hi Job-pa 31:15

Ni mam ma minin kur asuna ba, mi minizi azi mi d’uo zu? NAlona tu ba, mi tchugi kur azì grona hasuyoina mi d’uo zu?

Wana ni mbaktumba hi Job-pa 32:21

An nga ni man sa yam iram go d’i, an nga ni lop sa iram mbuo mi.

Wana ni mbaktumba hi Job-pa 34:18

Mam nga mi de woi mamulâ ala: Angî ma hawa ya’â! Mam nga mi de woi mi suma nglona ala: Agi ni suma asa’atna mi.

Wana ni mbaktumba hi Job-pa 36:19

Tchi mangâ kad’eng manga pet a ndak á prud’ung ngei abo pupuluka zu?

Buzuk ka Abud’a 30:15

Ma ndjondjoîna mi wurak kal bege d’a a ngata d’i; ma houd’a mi wurak kid’ak grama vahl hluo mi; ni he d’a hawa d’a yam an Ma didinid’a, kayam azi wurak yam taziya.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Zla d’a d’ogolâ 22:2

Sama ndjondjoîna ki sama houd’a a ni zlapa ata vama tuna; nala, azi djak Ma didina mi lazi ni mamu.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 3:14

Nga mi ka sariyad’a yam mam suma nglona, yam suma avok sumina, nga mi dala: Agi b’lagagi guguzlud’a woyo, ahle suma agi hurumuzi abo suma houd’ina a nga avo hatagi mi.

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Sunda hi suma a sunuzinid’a 10:34

Pierre mi mal vunam mi dala: An we gagazi Alona nga mi pat sana ni yam iram go d’i.

Romê-na 2:11

Kayam Alona nga mi pat sana yam iram go d’i.

1 Korente-na 1:28

Alona mi man vama suma duniyad’a a wum ala ni va d’uo na ki vama azi golom is ala ni va irazi d’uo na á b’lak vama suma a nga golom ala ni vana woyo.

Galat-na 2:6

Wani suma a nga golozi d’igi suma nglona na na, an golozi ni va d’i, kayam Alona nga mi pat sana ni yam iram go d’i. An nga ni dala suma nglo ndazina a had’an nga va tu d’i.

Efes-sâ 6:9

Agi suliyozina, agi lazi hina mi. Agi aragi ngopa woyo, kayam agi wagi ala azi ki agi djak, Salagi ma sä akulona nga mi pat sana yam iram go d’i.

Gat ta a hat á mbàd’id’a 10:17

Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na,

Kolos-sâ 3:25

Sana nga mi le tchod’ina mba mi fe ni tcho d’a mi lata, kayam Alona nga mi pat sana yam iram go d’i.

Hebre-na 12:28

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka,

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.