Wana ni mbaktumba hi Job-pa 34:10 - Bible azumeina

¹⁰ Agi suma wäd’u zlad’a, agi humunu! Alona nga ni sama asa’atna d’uo, Ma ad’engêm kal petna ni ma le sun nda ata yat tuo d’ina d’uo mi.

Wana ni mbaktumba hi Job-pa 34:10 Iomraidhean Croise

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

2 Samuel 22:31

Alona lovot mamba ni d’ingêr, Ma didina zla mamba, suma a wat ala ni zla d’a irata. Mam mi mbareid’a hi suma pet suma a deng tazi atama.

2 Sunda Hamuleinid’a 19:7

Kayam ndata, agi lagi mandara Ma didina, agi gologi tagi djivi ata yima agi mba kagi sariyad’ina, kayam mbut ira nga ata Ma didina Alo meina d’oze nga mi man sa yam ngol mamba d’oze nga mi ve bege d’a mbut ira abo sa d’uo mi.

Wana ni mbaktumba hi Job-pa 34:12

Gagazi, Alona nga mi lasa’ata d’i, Ma ad’engêm kal petna nga mi le ir sa kur sariya d’a kad’a d’uo mi.

Wana ni mbaktumba hi Job-pa 34:34

Suma wäd’u zlad’a a mba de ni d’igi an na, suma ne suma a hum zla mandina, a mba de hina ala:

Wana ni mbaktumba hi Job-pa 36:23

Ni nge ba, mi tagam lovota ge? Ni nge ba, mi ndak á dum ala: Ang le nga ata yat tuo ge?

Wana ni mbaktumba hi Job-pa 37:23

Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Wana ni mbaktumba hi Job-pa 8:3

Na ni Alona mi b’lak sariya d’a d’ingêra woi zu? D’oze Ma ad’engêm kal petna mi b’lak zla d’a d’ingêra woi mi zu?

Sawal la giled’a 145:17

Ma didina ni ma d’ingêrâ kur lovot mamba pet, mam mi ma djivina kur sun mam mba led’a pet mi.

Sawal la giled’a 92:15

Kur mamarazi pî a nga vut kua, ambirizi nga, humazi nga d’i got mi.

Zla d’a d’ogolâ 15:32

Sama mi noî hatina mi golî tam is, wani sama mi min ngopina mba mi mbut sama wad’ud’a.

Zla d’a d’ogolâ 6:32

Wani sama mi le mizeuna katchad’a hi sanid’ina ni sama bei wäd’u zlad’a ba na, sama mi min ba tam mbeina, mi le ni hina.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Romê-na 9:14

Na ni ei mba dei nana ge? Alona ni ma bei d’ingêrâ zu? Nga na d’i!

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Jacques 1:13

Ata yima sana mi nga kur kukina, ar mi dala: nAlona ba, mi kugunu d’i, kayam tchod’a ndak á kuk Alona d’i. Mam tamba mi ndak á kuk sa d’uo mi.