Wana ni mbaktumba hi Job-pa 32:8 - Bible azumeina

⁸ Wani gagazi, Muzu’â mi nga kur sana; ni muzuka hi Ma ad’engêm kal petnid’a ba, ti he sana wad’ud’a.

Wana ni mbaktumba hi Job-pa 32:8 Iomraidhean Croise

Ad’u Tinda 41:38

Faron mi dazi ala: Ei ndak á fei sama nga ki Muzu’â hAlonina d’igi mam na na ko zu?

Ad’u Tinda 41:39

Faron mi de mi Josef ala: Kayam Alona mi tagang ahlena pet, sama d’al ma ne ma d’igi ang na na nga d’i.

1 Amuleina 3:12

Kayam ndata, d’igi ang de na, an nga ni hang ned’a ki wad’ud’a tala sama avorong ngoze ma blogong ma kak d’igi ang na na nga d’uo d’a.

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

1 Amuleina 4:29

Alona mi he Salomon ned’a ngola ki wad’ud’a, d’al ma kuruma mi zul d’igi les ma avun alum ma ngolîna na mi.

1 Amuleina 5:9

Azungeî mana a mba yongza agu ma fiyak ma Liban-na, a mba tchugum avun alum ma ngolâ, a mba djinim ata tam á djangâm yam aluma gak a mbamza ata yima ang mba tagandjina. Ata yi máma azungeî mana a mba bud’um mbeyo; azungeî mangâ a mbeï yomu. Yam zla d’a wuraka, ang mba han te ma an minima yam suma avo hatana.

Wana ni mbaktumba hi Job-pa 12:13

Ned’a ki sib’ika a fazi nata Alona, d’ala ki wad’ud’a a fazi natam mam mi.

Wana ni mbaktumba hi Job-pa 12:16

Ad’enga ki wed’a ni mamba, sama vit tam mbeina d’oze ma vit suma dingâ woina a ni mama.

Wana ni mbaktumba hi Job-pa 27:3

Ata yima an nga ni fona, ata yima muzuka hAlonid’a ti nga atchinan tua na,

Wana ni mbaktumba hi Job-pa 33:16

Nga mi mal suma humazi woyo, nga mi gad’azi á lum mandaram

Wana ni mbaktumba hi Job-pa 33:4

Ni Muzu’â hAlonina ba, mi lanu, ni muzuka hi Ma ad’engêm kal petnid’a ba, ti han arid’a mi.

Wana ni mbaktumba hi Job-pa 35:11

Mam ma nga mi had’ei kal amburei suma yam andagad’ina ma nga mi hei ned’a kal aluwei suma akulona mi na, mi nga ni lara ge d’i.

Wana ni mbaktumba hi Job-pa 38:36

Ni nge ba, mi tin ned’a kur sana krovo ge? Ni nge ba, mi he wad’ud’a kur muzu’â hi sanina ge?

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Zla d’a d’ogolâ 20:27

Muzu’â hi sanina ni lalamba hi Ma didina d’a nga d’i fek hur sana fefeka.

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Isai 28:26

Alo mama mi had’am á tit kaziya, mi had’am gat mamba mi.

Daniel 1:17

Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

1 Korente-na 12:8

Muzu’â hAlonina nga mi he sana tu á de zlad’a ki ned’a. Ni Muzuk ma tu máma ba, nga mi he mi sama dingâ á de zlad’a ki wad’ud’a mi.

2 Timote 3:16

Mbaktumba hAlonid’a pet, nAlona ba, mi fo muzugam kua. Djivid’a nga kua á hat suma gagazid’a, á ngop suma, á d’op suma yam tchod’a, á simad’azi á le d’ingêra,

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.