Wana ni mbaktumba hi Job-pa 3:8 - Bible azumeina

⁸ Ar suma kuma suma yahlena yam burîna a yahlena yam andjege ndata! Ar suma a nga ki wed’a á zlit ambur ma ngol ma a yum ala Leviyatan-na akulona a yahlena kat mi!

Wana ni mbaktumba hi Job-pa 3:8 Iomraidhean Croise

2 Sunda Hamuleinid’a 35:25

Ma djok vun Alona Jeremi, mi tchi horâ Josiyas. Andjof suma hle sawala karop suma hle sawala a nga de zla Josiyas kur hor mazi ma tchina gak ini mi. Sawal ndata ti mbut ni gata aduk Israel-lâ, a b’irit nga kä kur Mbaktum mba horâ.

Wana ni mbaktumba hi Job-pa 3:7

Â! Ar andjege ndata sa mi vut gor kur ri! Ar sa mi le furî kurut tuo mi!

Wana ni mbaktumba hi Job-pa 3:9

Ar ti we avevel ma yorogona d’i! Ar ti djup yima fod’a tatâ, wani ti fum mbi! Ar ti djup gak ti we yima grad’a ki irat tuo mi!

Wana ni mbaktumba hi Job-pa 41:1

Sama ayîna heîna pî, mi ndak á djom mbi, ni nge ba, mi ndak á tchol avorom ge?

Wana ni mbaktumba hi Job-pa 41:10

Sin akud’a nga d’i buzuk kei avunamu, aku d’a munda nga d’i yak kei avunam tchutchum mi.

Wana ni mbaktumba hi Job-pa 41:25

Nga mi gol ahle suma a suburuzina is, mam mi amulâ hamburei suma ayînina mi.

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Amos 5:16

Kayam ndata, Salad’a Ma didina Alo ma ad’engêm kal petna mi dala: Ata yima lara ge pet, ir palum mba lara ge pet, a mba tchi horâ kua, a mba tchi ala: Alë! Alë! A mba yï suma zuma á tchina, a mba yï suma a we ge horâ heîna á tchina mi.

Matiye 11:17

Ami nga bugi taulâd’a, agi nga luwugi d’i; ami nga tchimi horâ, agi nga tchigi d’uo mi.

Marik 5:38

Kid’a azi mbaza avo hi ma ngol mámid’a, Jesus mi hum siwela ki tchina ki wulul la ngola gandjau.