Wana ni mbaktumba hi Job-pa 3:5 - Bible azumeina

⁵ Ar nduvunda kanguza matna a vum mbeyo! Ar d’ugula ti kak kam akulo! Ar nduvun nda mba ki ndaka yam sumid’a, ti mbut bur máma mandarâ!

Wana ni mbaktumba hi Job-pa 3:5 Iomraidhean Croise

Wana ni mbaktumba hi Job-pa 16:16

Iran tchor gagabei abo tchina, iran ndi gis gogombol mi.

Wana ni mbaktumba hi Job-pa 24:17

Yorogod’a ni nduvun nda matna iraziya, a nga ve banad’a ni ki nduvunda.

Wana ni mbaktumba hi Job-pa 28:3

Sana nga mi d’el nduvunda ad’u andagad’a, nga mi hal kawei ma nga ngeid’a kur nduvun nda i’îlikina, gak ata ad’ut ta dabi d’a yiyika.

Wana ni mbaktumba hi Job-pa 3:4

Ar bur máma mi mbut nduvunda! Ar Alo ma akulona mi djib’er kam mbi! Ar b’od’a ti b’o kam mbuo mi!

Wana ni mbaktumba hi Job-pa 3:6

Ar andjege ndata nduvunda ti vad’u! Ar ti vit tei aduk burâ hi bizad’ina! Ar a ndumut aduk bur tilâ d’uo mi!

Wana ni mbaktumba hi Job-pa 34:22

Nduvunda d’oze anguza matna a ndak nga d’ala suma le tchod’a a ngei tazi kuad’a d’i.

Wana ni mbaktumba hi Job-pa 38:17

Na ni a tagang vun agre’â hi Matnina zu? Ang we vun agre’â hambasa hi Matnid’a zu?

Sawal la giled’a 107:10

Suma dingâ, ni suma kur hohoud’a djinda ki kindjingâ kä kur dangeinina, a nga kaka kä kur nduvunda kur dangeina,

Sawal la giled’a 107:14

Mi buzuguzi woi kur dangeina, mi tchal kindjing mazina woi mi.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Sawal la giled’a 44:19

Ami lami nga hurumi gigrit kang ngi, ami d’ezemi nga woi kur lovot manga d’uo mi.

Isai 9:2

Ma didina, ang mba zuluziya, ang mba tinizi á le furîd’a, a mba le furîd’a avorong d’igi suma a nga le furîd’a ata yima fet awunina na, d’igi suma a nga er ad’uzi akulo ki hur ma hapma ata yima a nga b’rau ahle suma a yozï avun ayînina na mi.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Jeremi 4:28

Kayam ndata, ambasa ti nga kur yor tad’a, akulod’a ti mbut nduvunda mi, kayam an dala: An nga hurun yam zla ndata da’, an nga ni djok vunan ndi, an nga ni hulong bugol luo mi.

Ezekiyel 30:3

Kayam burâ mi ar go, burâ hi an Ma didinina mi ar go, ni bur ma d’ugula mbud’um nduvundina, ni yima ka sariyad’a yam andjaf sumina mi.

Ezekiyel 34:12

An mba ni tin iran yam tumiyô mana d’igi ma pola nga mi gol tumiyô mama ata yima mi nga adigazi ata yima a b’rau woi yaya’â na. An mba ni yozï woi ata yima azi b’rau woi kua teteng kur bur ma babarâ mi pat mi mbut yina nduvundina.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Amos 5:8

Mi lades tchitchiu d’a a yat ala Gro azungeîna d’a ki d’a a yat ala Gro yuguneina, ni ma mbut yima nduvunda yima fod’ina, ni ma mbut yima b’od’a nduvundina, ni ma mi yi mbiyo alum ma ngolâ mi wed’em mbei yam andagad’a petna. Simiyêm ala Ma didina.

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Matiye 4:16

suma a nga kaka kur nduvundina a we b’o d’a ngola, suma a nga kaka kä ad’u angus matnina, b’od’a ti nde woi kazi mi d’a.

Wana ni Zla d’a Djivi d’a Luc mi b’irita 1:79

á b’o yam suma a nga kaka kur nduvunda ad’u angus matnina, á tini asei kur lovot ta b’leng nga halasa mi.

Gat ta a hat á mbàd’id’a 4:11

Agi hud’ugi tchologi kä ad’u ahinad’a. Ahinad’a ti vakud’a, sin akud’a nga d’i ngal gak i akulo hur alona. Nduvunda nga, d’ugula nga, andosâ mi tin d’ugula ndus mi.

Hebre-na 12:18

Agi mbagi nga ni go kahinad’a d’igi Israel-lâ na d’i. Nahina d’a Sinai d’a suma a ndak á dot ta nga d’i ngal akud’a bibiliud’a, ni yima wurana ki nduvun nda i’îlika ki babar ma ndundulâ