Wana ni mbaktumba hi Job-pa 27:9 - Bible azumeina

⁹ Alona mba mi humum tchi mama ata yima ndaka mba kama zu?

Wana ni mbaktumba hi Job-pa 27:9 Iomraidhean Croise

Sawal la giled’a 109:7

Ata yima a kam sariyad’a kama, ar sariyad’a ti vumu, ar tchen mamba ti mbut ni vama tchona.

Sawal la giled’a 18:41

Ang ar man suma djangûna a ring avoronu, suma a noyôna an dabazi tchid’a woyo.

Sawal la giled’a 18:42

Azi nga tchiya, wani sama ndjunuzi nga d’i; azi nga yi Ma didina, wani nga mi humuzi d’i.

Sawal la giled’a 66:18

Ladjï an ngom tchod’a kurunu ni, Salad’a mba mi humun ndi.

Zla d’a d’ogolâ 1:27

Ata yima mandarâ mba mi mba kagi d’igi babarâ na, ndaka mba d’i mba kagi d’igi mbirlimba na, djop vuna ki kid’eî ira a mba mba kagi mi na, an mba ni lazagi mi.

Zla d’a d’ogolâ 1:28

Ata yi máma agi mba yanu, wani an mba mi humugi d’i; agi mba halanu, wani agi mba fan nduo mi.

Zla d’a d’ogolâ 28:9

Sama nga mi tos humam mbei á hum gatina, Alona mi gol tchen mamba ni vama ndjendjed’a.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Jeremi 11:11

Ni kayam ndata ba, Ma didina mi dala: Gola! An nga ni mba ki ndaka kaziya, ni ndak ka azi mba buzuk kei kurut tuo d’a. Azi mba tchi kanu, wani an mba ni humuzi d’i.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Mise 3:4

Kayam ndata, fata agi tchigi yam Ma didinid’a, mam mba mi hulongôgi humba d’i, mba mi hagi azigam ata yi máma yam sun nda tcho d’a agi lata.

Zakari 7:13

an Ma didin ma ad’engên kal petna ni dala: Kayamba azi humun nga d’uo ata yima an yazinid’a, fata azi yan ala an ndjunuziya d’a, an nga ni humuzi d’uo mi.

Wana ni Zla d’a Djivi d’a Luc mi b’irita 13:25

Fata samazina mi tchol wa, mi duk wa vun gonga ni, agi mba tchologi abua, agi mba ndagi tum vun gonga, agi mba dagi ala: Salamina, ang malami vuna. Mam mba mi hulong dagi ala: An we nga yima agi tchologï kuana d’i.

Jean 9:31

Ei wei ala Alona nga mi hum sama tchona d’i. Wani le sama lara pî ma nga mi kud’or Alona nga mi le minda hAlonid’a mi na ni, Alona nga mi humumu.

Gat ta a hat á mbàd’id’a 1:45

Kur hulong magid’a agi tchigi avok Ma didina. Wani mi hum nga tchi magina d’uo mi na, mi tin nga humam kagi d’uo mi.

Jacques 4:3

Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.