Wana ni mbaktumba hi Job-pa 24:1 - Bible azumeina

¹ Job mi de kua ala: Ni kayam me ba, Ma ad’engêm kal petna mi de woi yam bur mam ma ka sariyad’a d’uo ge? Ni kayam me ba, mam suma d’engzengâ a we bur máma d’uo ge?

Wana ni mbaktumba hi Job-pa 24:1 Iomraidhean Croise

Ad’u Tinda 18:17

Ma didina mi de kurum ala: An ndak á ngei Abraham vama an luma zu?

Ad’u Tinda 7:4

Kayam ar burâ kid’iziya, an mba ni salona yam andagad’a burâ dok fid’i falei kandjege. An mba ni dap ahle suma ari suma an lazina woi pet yam andagad’a.

Wana ni mbaktumba hi Job-pa 15:20

Sama asa’atna kak mam mba yam andagad’id’a pet ni kur ndaka, sama murud’umba a ndumum bizamî nduma.

Sawal la giled’a 31:15

Wani Ma didina, an nga ni deng tan natangû, an nga ni dala: Angî Alo mana!

Sawal la giled’a 36:10

Kayam angî sidei arid’a, arid’a tcholï natangû; ni kayam b’o manga ba, ami nga wami b’od’a.

Sawal la giled’a 9:10

Ma didina, angî yima ngeid’a hi suma suma a nga lazazina; ata yima ndaka nga na, angî yima ngeid’a hi sumina.

Ma tchi wala 3:17

An de kurun ala: Alona mba mi ka sariyad’a yam sama d’ingêrâ ki sama asa’atna djak, kayam mi nga nga yina yam ahlena pet, yam sun nda lara ge pet mi.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.

Isai 60:22

Andjaf ma ngiyeû ma kalâ mba mi mbut nandjaf ma dudubuna, andjaf ma akid’ei ma kalâ mba mi mbut nandjaf ma sib’ika. An Ma didina mba ni b’at tan á lahle ndazina fata yi mazina mi ndaka.

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

Abdiyas 1:15

Kayam burâ hi Ma didinina mi ar go á mbad’a á ka sariyad’a yam andjaf suma pet. Mba mi lagi ni d’igi agi tagi lagi na, sun magid’a mba d’i hulong kagagiya.

Sofoni 1:7

Agi kagagi ki vunagi ma du’â avok Salad’a Ma didina, kayam bur mama mi mba wa go, mi min wa va mam ma ngat buzuna, mi tin wa suma mam yazina irazi vazi mi.

Matiye 24:38

Kayam adjeu avok ka bei mbina mi kusa, suma a nga te, a nga tche, a nga vik aropma, a nga he grozina ndjufâ gak bur ma Noe mi kal kur batod’ina.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Sunda hi suma a sunuzinid’a 1:7

Jesus mi hulong dazi ala: Nga ni kayam agi á wagi yina d’oze atchogoi d’a Abun mi ngat kur ad’eng mambid’a d’i.

Sunda hi suma a sunuzinid’a 17:26

Nata sama tuna ba, mi le andjaf suma pet suma a nga kaka yam andagad’ina. Mi ngazi atchogoi mazid’a ki ir haga mazi d’a kaka,

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

1 Tasaloni’â 5:1

Wani b’oziyomina, yam zlad’a hatchogoid’a ki burâ hi mbad’a hi Salad’id’a, an dok ni b’irigi mbaktum kat tuo d’a.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

1 Timote 6:15

Alo ma kal tegles ma tu gid’eng ma mi ndak á hud’a, ma nAmulâ hamuleinina, ma Salad’a hi suliyod’ina, mam mba mi ndum mbei ata yima mi ngama.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.