Wana ni mbaktumba hi Job-pa 22:27 - Bible azumeina

²⁷ Ang mba tchenemu, mam mba mi humungû, ang mba ndak vun vun ma hle ma ang hluma.

Wana ni mbaktumba hi Job-pa 22:27 Iomraidhean Croise

2 Amuleina 13:4

Wani Jowahas mi tchen Ma didina ki hud’a. Ma didina mi humumu, kayam mi wala amul ma Siri-na nga mi kid’eî ir Israel-lâ heî.

1 Sunda Hamuleinid’a 4:10

Jabes mi tchen Alona hi Israel-lîna ala: Le ang b’e vunang kanu, le ang mbud’un yi mana bubud’a, le ang ngomon kur ndaka tala an fe kid’eî ira d’uo d’a ni! ... Alona mi humum yam ahle suma mi djobozina mi.

2 Sunda Hamuleinid’a 33:13

Mi tchenemu. Ma didina mi hum tchen mam mba hud’a, mi wum hohowomu, mi hulongôm avo Jerusalem kur leu mamba. Ata yi máma Manase mi wala Ma didina nAlo ma iratna.

Wana ni mbaktumba hi Job-pa 11:13

Wani le ang min hurung woi djivid’a tetet, le ang mat abong mAlona,

Wana ni mbaktumba hi Job-pa 27:10

Na ni mba mi le furî d’a ngola yam Alo ma ad’engêm kal petna zu? Mba mi yum teteu mi zu?

Wana ni mbaktumba hi Job-pa 33:26

Mi tchen Alona, Alona mi wum hohowomu, mi aram mi wum iram ki furîd’a, mi hulongôm d’ingêr mamba mi.

Wana ni mbaktumba hi Job-pa 34:28

A le suma kid’aka gagak tchi mazina mi i fAlona, mam tam pî mi hum tchina hi suma hohoud’ina mi.

Wana ni mbaktumba hi Job-pa 8:6

le angî yed’et, le angî d’ingêru ni, gagazi, mam mba mi ngomongû, mba mi hulongông tinda ata blangâng ma kak ma djivi ma avo’â.

Sawal la giled’a 116:1

Hurun ve Ma didina, kayam nga mi humun delen ki tchen manda.

Sawal la giled’a 116:14

An mba ni ndak vun vun man ma hle ma an hlum mi Ma didinina avok sum mama pet.

Sawal la giled’a 56:12

An tin hurun ni kangû, an nga ni le mandar ri. Sana ni nge ba, mi lan vana ge?

Sawal la giled’a 61:5

An min kak kur zlub’u manga teteu, an hal yima ngeid’a nad’u ahlabangû. Tchol ndjö

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Ma tchi wala 5:4

Ang hle vunang mAlona d’uo ni hotei, kal la ang hle vunang d’o ba, ang nga ndak vun vama ang hle vunang kama d’uo d’a.

Isai 58:9

Ata yi máma agi mba yagi Ma didina, mam mba mi humugiya. Agi mba eregi ad’ugi akulo, Ma didina mba mi hulong dala: An wana! Le agi aragi bei tinigi aneka kel suma, le agi aragi bei d’ek suma, le agi aragi zla d’a de d’a asa’ata mi suma,

Jeremi 29:12

Ata yi máma, le agi yanu, le agi tchenenu ni, an mba ni humugiya.

Jonas 2:9

Suma a nga kud’or filei ma hawa ya’îna, a wal lei dei ki ang ma ndak á sud’uzina.

Gat ta a hat á mbàd’id’a 23:21

Moise mi de kua ala: Le agi hlagi vunagi á he va mi Ma didina Alo magina ni, agi lagi lilinga á hagizi d’i. Le d’uo ni, Ma didina Alo magina mba mi djobogi kamu, agi mba mbud’ugi ni suma tchona.