Wana ni mbaktumba hi Job-pa 22:25 - Bible azumeina

²⁵ Ma ad’engêm kal petna mba mi mbut ni lor manga, mba mi mbut ni bege mang nga ndjondjoîd’a mi.

Wana ni mbaktumba hi Job-pa 22:25 Iomraidhean Croise

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Wana ni mbaktumba hi Job-pa 22:24

Ang tchuk lora woi aduk andaga d’a gugud’upa, ang tchuk lor ra Ofir-ra woi aduk grei ma kur alumina.

Wana ni mbaktumba hi Job-pa 22:26

Ang mba le furî d’a ngola yam Ma ad’engêm kal petna, ang mba hle irang akulo avorom bei mandarâ ba.

Wana ni mbaktumba hi Job-pa 3:15

zlapa ki suma nglo suma a nga tok lora suma a oî aziyazi ki bege d’a hapina.

Sawal la giled’a 18:2

Ma didina, an nga ni le kangû, angî ad’eng manda.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Hor ma tchina 3:24

An nga ni de tan ala: Ma didina ni b’rau manda. Ni kayam ndata ba, an tin hurun kamu.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.