Wana ni mbaktumba hi Job-pa 21:19 - Bible azumeina

¹⁹ Agi nga dagi ala: Alona nga mi ngom ngop mamba ni yam ma asa’atna groma! Wani nga na d’i! Vama djivina Alona mi ngobomî mam tamba tala mi wumu d’a.

Wana ni mbaktumba hi Job-pa 21:19 Iomraidhean Croise

Ad’u Tinda 4:7

Ang le le djivid’a ni, ang mba te kad’u; le ang le djivid’a d’uo ni, tchod’a ti nga grifa kä avun agrek mangâ; ti min á te kangû, wani mbeî ang te kad’u.

2 Samuel 3:39

An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.

Wana ni mbaktumba hi Job-pa 22:24

Ang tchuk lora woi aduk andaga d’a gugud’upa, ang tchuk lor ra Ofir-ra woi aduk grei ma kur alumina.

Sawal la giled’a 54:5

kayam angoyogeina a tchol á dur ayîna ki sed’enu, suma asa’atna a min á tchan ndeyo, kayam azi nga djib’er kang ang Alona d’i. Tchol ndjö

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Isai 14:21

Ar agi minigi tagi á tchi grod’a yam tchod’a habuyozid’a. Ar azi tchol hlandagad’a hle ba á oî suma djangûna yam andagad’a d’i.

Jeremi 31:29

Kur bur máma sa mba mi dala: Abuyod’a a te guguzlu d’a bei ned’a, grod’a siyazi mi zleyâ d’uo d’a.

Ezekiyel 18:14

Wani le sa máma mi vut gorâ, le gor máma mi we tcho d’a abum lata mi hle nga ad’u abum mbuo,

Ezekiyel 18:2

Ni kayam me ba, agi nga dagi zla d’a d’ogol la wanda yam andaga d’a Israel-la ala: Abuyod’a a te guguzlu d’a bei ned’a, grod’a siyazi mi zleyâ ge?

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Ndumba 14:18

An ni Ma didina! An ni ma nga ni mbut ayîna atogo d’uo na, an ni ma djivi manda kal teglesâ, an ni ma nga ni vat hurun ndei yam tchilad’a ki murud’umba hi sumid’a, wani an ni ma nga ni ar sama le tchod’a bei ka sariyad’a kam mbuo na, an ni ma ngop grod’a yam tchod’a habuyod’a gak kur atchogoi d’a hindid’a ki d’a fid’id’ina mi.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Gat ta a hat á mbàd’id’a 32:34

Ahle ndazina pet a nga ni ngeid’a abo an nduo zu? An nga ni ngomozi kur gong man nda ngom ahlena mi d’uo zu?

Gat ta a hat á mbàd’id’a 32:41

An nga ni gur mbigeu man nda fiyaka, ni ligid’et siyat mi ngal wiwilik. An hlabon akulo á ka sariyad’a, an mba ni hlatchugulun ki man suma djangûna, an mba ni wurak suma a noyôna mi.

2 Timote 4:14

Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.