Wana ni mbaktumba hi Job-pa 21:16 - Bible azumeina

¹⁶ Gola! Djivi mazid’a naboziya, wani vama ndolon nga ki d’alâ hi suma asa’at ndazinina d’i.

Wana ni mbaktumba hi Job-pa 21:16 Iomraidhean Croise

Ad’u Tinda 49:6

An min ndjak vunan ki sed’ezi kur tok mazi d’a gumunda d’i, an min ndjunuzi kur tok mazid’a d’i. Kayam kur hur mazi ma zala azi tchi suma, kur asa’at mazid’a azi ka amuzleina gigilangâziya.

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Wana ni mbaktumba hi Job-pa 10:3

Na ni djivid’a irang á lang tchod’a, á gol vama ang luma is, á ndjun zla d’a suma asa’atna a nga huruzi kata zu?

Wana ni mbaktumba hi Job-pa 22:18

Wani ni mam ba, mi oyôzi aziyazi kahle suma djivina. Wani va ndolon nga ki d’alâ hi suma asa’atnina d’i.

Sawal la giled’a 1:1

Sama nga mi tit yam d’alâ hi suma asa’atna d’uo, ma nga mi tchol ki suma tchila yam gata hi Ma didinid’a d’uo, ma nga mi kak zlapa darigïd’a ki suma las Alona d’uo, ma hurum ve gata hi Ma didinid’a, nga mi dugud’ot ndumba andjege ki faleina, mi le furîd’a.

Zla d’a d’ogolâ 1:10

Gorona, le suma le tchod’a a nga lobong vunangû ni, ang i ad’uzi d’i.

Zla d’a d’ogolâ 5:8

Ang d’es sei kur lovot mata, ang tchila avun aziyat

Ma tchi wala 8:8

Sana mi nga kad’enga á d’el simetna d’i. Hina mi, mi ndak á d’el tam bei matna d’uo mi. Ata yima ayî ma durâ mi nga na, sama mi prut tam mbeina mi nga d’i. Hina mi, asa’ata ti ndak á sut salat ma mi latna d’uo mi.

Wana ni Zla d’a Djivi d’a Luc mi b’irita 16:2

Salama mi yumu, mi dum ala: Ni zla me an humut kang na ge? Ang ndumun ahle mana, ang dok kak sama ngom ahle mana d’uo d’a.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.