Wana ni mbaktumba hi Job-pa 20:23 - Bible azumeina

²³ Ata yima mi min tam á hop hayama, Alona mba mi mba kayî mam ma bibiliuna kamu, mba mi sumzi kam kä á mbut te mama.

Wana ni mbaktumba hi Job-pa 20:23 Iomraidhean Croise

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Wana ni mbaktumba hi Job-pa 20:13

le nga mi ngomod’u, mi arat nga woi d’i, le mi vat nga akulo d’id’igamu ni,

Wana ni mbaktumba hi Job-pa 20:14

te mama mba mi bu kurum krovo, mba mi mbut ayî mageid’a kurum krovo mi.

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Buzuk ka Abud’a 9:23

Moise mi hle totogo mamba akulo hur alona. Ma didina mi he vuna, alona mi breyâ, mi se ki mogoina, akud’a ndeï kä yam andagad’a mi. Ma didina mi sun mogoina mi se yam ambas sa Ezipte-d’a.

Isai 21:4

Vunadigan ndi pat fek, mandarâ mi vanu, fladege d’a an nga ni le furîd’a kuad’a d’i mbut ni fladege d’a ti lan mandarîd’a.

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Ndumba 11:18

Ang de mablau suma ala: Avin agi mbud’ugi tagi yed’et, agi mba mud’ugi hliuna, kayam Ma didina mi hum tchi magi mala ni nge mba mi hei hliu ma mutna, kayam ei sä Ezipte wani djivid’a heyû na. Ma didina mba mi hagi hliuna, agi mba mud’ugiziya.

Ndumba 11:33

Ata yima hliuna mi nga ved’a avunazi tua na, Ma didina hurum zal kazi ngola, mi tumuzi ki tugud’ei d’a tcho d’a tchi matna.