Wana ni mbaktumba hi Job-pa 2:4 - Bible azumeina

⁴ Seitan mi hulong de mi Ma didina ala: Ang handji tamu! Ahle suma sana mi nga ki na pet, mba mi hazi ná sut tamu.

Wana ni mbaktumba hi Job-pa 2:4 Iomraidhean Croise

Ad’u Tinda 47:17

Azi mba ki d’uwar mazina mi Josef; mi hazi tena yam akulumeina, aho’â, amuzleina ki korona. Kur biza ndata mi hazi tena ndak yam gusa hi d’uwar mazinid’a pet.

Ad’u Tinda 47:19

Ni kayam me ba, ang arami ami bomi woi atang ki siliu mamid’a ge? Ang guzumi ki siliu mamid’a, ang hami tena. Ami mbud’umi magumeina hi Faron-na, siliu mamid’a ti mbut ni d’a hi Faron-nda mi. Ang hami tena kayam ami bomi woi d’i, ang hami andjafâ kayam siliu mamid’a b’lak ki.

1 Amuleina 20:31

Azungeî mama a dum ala: Ang huma! Ami humumi ala amulei suma Israel-lâ namulei suma a we hohowa sumina. Ami i tchugumi baru d’a dodora atamiya, ami tchugumi ziyona kelemi d’igi suma dangeina na mi, ami i fami amul ma Israel-lâ. Hina wani, mam mba mi tchang nguo kla!

Wana ni mbaktumba hi Job-pa 2:3

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na. Mi nga tchola ad’enga kur d’engzeng mamba mi. Ang zud’un á b’lagam mbei ni hawa na!

Wana ni mbaktumba hi Job-pa 2:5

Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!

Zla d’a d’ogolâ 13:8

Vama wurak yam arid’a hi sanid’ina ni ndjondjoî mamba, wani sama houd’a nga mi hum ngopa d’i.

Jeremi 41:8

Wani suma dogo adigazi a de mi Ismael ala: Ang tchami d’i, kayam ami nga ki tena ngeid’a kä hur asinena, nala, gemena, awu orsâ, mbulâ ki mbul ayuma. Ni kayam ndata ba, mi arazi bei tchid’a zlapa ki b’oziyozina.

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Matiye 6:25

Jesus mi had’azi kua ala: Kayam ndata, an nga ni dagiya, agi djib’eregi yam ari magid’a tala agi mba tagi ni me d’oze agi mba tchagi ni me d’oze agi mba tchugugi ni me ge d’a d’i. Arid’a kal tena d’uo zu? Tad’a kal baruna mi d’uo zu?

Wana ni Zla d’a Djivi d’a Luc mi b’irita 12:23

Kayam arid’a kal tena, tad’a kal baruna mi.

Josue 9:24

Sum ndazina a hulong de mi Josue ala: Ami azungeî mangâ humumi ala Ma didina Alo mangâ mi he vuna mazong mama Moise á hagi ambas sa wanda á tchi suma kurutna woi avorogi pet. Kayam ndata, mandaragi mi vami ngola, kayambala agi mba tchamiya d’a. Ni kayam ndata ba, ami mbami ki gevegi wana.