Wana ni mbaktumba hi Job-pa 2:11 - Bible azumeina

¹¹ Job buniyôm suma hindina a hum zla ndak ka mba kamba. Nge nge pî mi tcholï yam ambas mamba, nala, Elifas ma Teman-na, Bildat ma Suwa-na ki Sofar ma Näma-na, a mba, a ndjak vunazi tu, a i á yorom á b’lengêm hurum mi.

Wana ni mbaktumba hi Job-pa 2:11 Iomraidhean Croise

Ad’u Tinda 25:2

Ti vud’um Zimran, Joksan, Medan, Madiyan, Jisbak ki Suwa.

Ad’u Tinda 36:11

Elifas groma ba wana: Teman, Omar, Sefo, Gatam ki Kenas.

Ad’u Tinda 36:15

Wana namulei suma ad’u andjafâ hi Esau-na. Wana nandjafâ hi Elifas Esau gorom ma ngolîna: Teman, Omar, Sefo, Kenas,

Ad’u Tinda 36:34

Jobap mi mid’a; Husam ma yam andaga d’a Teman-ndina, mi vrak tamula blangâmu.

Ad’u Tinda 37:35

Ata yima grom suma andjofâ ki suma aropma pet a mba á hal á b’lengêm huruma, mam min nga d’i, mi dala: An mba ni i gen gorona azulei kä ni ki yor tad’a; nga mi tchi hora goroma.

1 Sunda Hamuleinid’a 1:32

Abraham amam mba gora Ketura grotna ba wana: Ti vut Zimran, Joksan, Medan, Madiyan, Jisbak ki Suwa. Joksan groma ba wana: Seba ki Dedan.

1 Sunda Hamuleinid’a 1:45

Jobap mi mid’a; Husam ma yam andaga d’a Teman-ndina mi vrak tamula blangâmu.

1 Sunda Hamuleinid’a 7:22

Abuzi Efraim nga mi yor tam ngola. B’oziyoma a nga mba á b’lengêm hurumu.

Wana ni mbaktumba hi Job-pa 11:1

Sofar ma Näma-na mi hulong de mi Job ala:

Wana ni mbaktumba hi Job-pa 13:4

Kayam agi ni suma ka zlad’a, agi ni dokdor suma hawa ya’â.

Wana ni mbaktumba hi Job-pa 15:1

Elifas ma Teman-na mi de mi Job kua ala:

Wana ni mbaktumba hi Job-pa 16:2

An hum andjaf zla d’a de d’a hina d’a yan ablaud’a, agi ni suma b’leng hur suma a b’lak hur sumina.

Wana ni mbaktumba hi Job-pa 16:20

Buniyôna a nga lazanu, wani an nga ni tchi ki simina iran yam Alona.

Wana ni mbaktumba hi Job-pa 18:1

Bildat ma Suwa-na mi de mi Job kua ala:

Wana ni mbaktumba hi Job-pa 19:19

Buniyôn suma kokodjona a golon ni vama ndjendjed’a, buniyôn suma an le kazi heîna a han azigazi mi.

Wana ni mbaktumba hi Job-pa 19:21

Agi buniyôna, agi wan hohowonu! Kayam nAlona ba, mi ton kabomu.

Wana ni mbaktumba hi Job-pa 4:1

Elifas ma Teman-na mi de mi Job ala:

Wana ni mbaktumba hi Job-pa 42:11

B’oziyom suma andjofâ, b’oziyom suma aropma ki suma mam wazi adjeuna pet, a mbeï gevemu, a nga te ki sed’em avo hur aziyamu, a nga yoromu, a nga b’lengêm hurum yam ndak ka pet ta Alona mi mbamzi kamba. Nge nge pî mi hum kawei ma hapma tutu ki ngangam ma lora tutu he d’a hawad’a.

Wana ni mbaktumba hi Job-pa 42:7

Kid’a Ma didina mi de zlad’a mi Job dad’a, mi de mi Elifas ma Teman-na ala: Hurun zal kang ki buniyông suma mbàna, kayam agi dagi nga zla d’a gagazid’a kan d’igi azong mana Job na d’i.

Wana ni mbaktumba hi Job-pa 42:9

Elifas ma Teman-na, Bildat ma Suwa-na ki Sofar ma Näma-na a i le d’igi Ma didina mi dazi na. Ma didina mi hum tchen nda Job mi tchenem kazid’a mi.

Wana ni mbaktumba hi Job-pa 6:14

Sama nga kur ndakina, ni banama ba, mba mi wum hohowomu. Le d’uo ni, mba mi ar bei le mandara Alo ma ad’engêm kal petna.

Wana ni mbaktumba hi Job-pa 6:19

Ablau suma Tema suma a tit ki djambalina a so irazi gola kua á hal mbina; suma tit suma Seba-na a tin huruzi á fe mbiyo máma.

Wana ni mbaktumba hi Job-pa 8:1

Bildat ma Suwa-na mi de mi Job ala:

Zla d’a d’ogolâ 17:17

Banang ma kokodjona mi le kangî burâ ki burâ. Ni wiyengâ ba, mi ndjunung kur bur ma ndaka.

Zla d’a d’ogolâ 18:24

Sama buniyôma ablaud’a heîna pî, dam ndaka mba d’i mba kamu, wani banang ma hurum vang heîna, mi kal wiyengâ.

Zla d’a d’ogolâ 27:10

Ang ar banangâ d’oze abung banama woi d’i. Ang i avo hi wiyengâ kur bur ma ang nga kur ndakina d’i, kayam ndrang mazina mi kal wiyeng ma sä woi deina.

Isai 51:19

Ahle suma a nga mba kak kakap ndazina, nala, hurumba ki b’laka, baktarad’a kayî ma durâ, ni nge mba mi yorok kazi ge? Ni nge ba, mba mi b’lengêk huruk ke?

Jeremi 49:7

Wana ni zla d’a a dat yam suma Edom-mid’a: Ma didin ma ad’engêm kal petna mi dala: Na ni sama ne nga avo Teman nduo zu? Mazi suma de d’alâ a dap pei zu? Ne mazid’a ti b’lak kei mi zu?

Abdiyas 1:9

Agi suma Teman-na, mandarâ mba mi ve grang magi suma durâ, azigar suma kur ambasina pet, a mba tchazi woi mi.

Jean 11:19

Juif-fâ ablaud’a a mba gen Marta azi ki Marie á yorozi yam zla matna hi wiyezinina.

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

1 Korente-na 12:26

Le ir hliu ta d’a tud’a nga kur ndaka ni, suma wana pet a nga ni kur ndaka ki sed’et mi. Le ir hliu ta d’a tud’a a nga suburud’u ni, suma wana pet a nga le furîd’a zlapa ki sed’et mi.

Hebre-na 13:3

Agi djib’eregi yam suma a nga kur dangeinina, d’igi agi nga ni ki sed’ezi kur dangeina na mi. Agi djib’eregi yam suma suma a nga djobozi vunazina d’igi agi nga ni ki sed’ezi kur djop vuna na mi.

Josue 15:41

Gederot, Bet-Dagon, Näma ki Makeda. Azì ma nglona ni dogo yam karagaya kazì mazi ma gureina mi.