Wana ni mbaktumba hi Job-pa 19:26 - Bible azumeina

²⁶ Bugol la babagan b’lak keid’a, le hliwin mi b’lak kei pî, an mba ni gol Alona!

Wana ni mbaktumba hi Job-pa 19:26 Iomraidhean Croise

Sawal la giled’a 16:11

Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Sawal la giled’a 16:9

Ni kayam ndata ba, hurun oî ki furîd’a, tan nga lan djivid’a, tan tuk halas mi.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Matiye 5:8

Suma huruzi yed’etna a le furîd’a, kayam a mba wAlona.

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

1 Korente-na 15:53

Kayam ndata, ta d’a matna mba d’i tchuk ta d’a bei matna, sama matna mba mi tchuk ta d’a bei matnid’a mi.

Filip-ma 3:21

Mam mba mi mbud’i hliwi ma amangeî ma ad’u ad’enga hi matnina, mba mi mbud’i hliwi d’igi hliwim ma subura na kad’eng mam mba ndak á hulong ahlena pet yazi kä ad’umba.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!