Wana ni mbaktumba hi Job-pa 17:9 - Bible azumeina

⁹ Gagazi, sama d’ingêrâ mba mi tchol ngingring kur lovot mamba, sama abom nga mi do tchod’a d’uo na mba mi fad’enga kam kua kam kua.

Wana ni mbaktumba hi Job-pa 17:9 Iomraidhean Croise

Ad’u Tinda 20:5

Ni mam ba, mi dan ala ndat ni wiyemba d’uo zu? Ndat pî ti dan ala mam mi wiyetna mi. An lahle ndazina nata lovod’oziya, abon do nga vama tcho d’i.

2 Samuel 3:1

Ayîna nga mi i avogovok aduk suma hi Saul-lâ ki suma hi David-na. David nga mi i avogovok kur ayî ma durâ, wani suma hi Saul-lâ a nga ngar kazigaziya.

Wana ni mbaktumba hi Job-pa 22:30

Suma zlad’a kazina pî, mam mba mi sud’uzi woyo. Gagazi, mba mi sud’ung ngei ni yam abong ma bei do tchod’a ba na.

Wana ni mbaktumba hi Job-pa 27:5

An nga ki lovotid’a ni dala zla magid’a nata yad’u d’a d’i. Gak an mit pî, an mba ni väd’u zla manda á pat zlad’a woi kanu.

Wana ni mbaktumba hi Job-pa 27:6

An tcholî yam d’ingêr manda, an nga ni ar tan tchuk lus si, hurun nga mi van ki zla yam tu d’uo mi.

Wana ni mbaktumba hi Job-pa 31:7

Le asen ma tita mi d’es sei kur lovot ta d’ingêra, le hurun mi tit bugol iranu, le abon mi do vama tcho ni,

Wana ni mbaktumba hi Job-pa 33:9

An ni ma yed’etna, an tchila nga d’i, zla nga kan ndi, tcho nga kurun nduo mi.

Sawal la giled’a 11:3

Le gat ta djivid’a hi simiyeîd’a b’lak keyo ni, sama d’ingêrâ mba mi le ni nana ge?

Sawal la giled’a 24:4

Ni sama abom nga mi do vama tcho d’uo na, ni sama hurum yed’etna, ni sama nga mi he tam yam ahle suma hawa ya’â d’uo na, ni sama bei gun tam ir gurzula ba na.

Sawal la giled’a 26:6

An mbuza wa abon ndei á tak kei ala zla nga kan ndi. Ma didina, an nga ni ngui yi mang ma ngal ahle suma ngat buzuna

Sawal la giled’a 73:13

Gagazi, an mbut tan yed’et á tak kei ala zla nga kan nduo ni wal tan ndei ki tchod’a ni hawa na yak!

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Sawal la giled’a 84:7

Ata yima azi nga kal kur hor ra Baka-d’ina, ti mbut hor ra djang mbina avoroziya, alo ma hod’ogeid’a mi mbud’ut ni yima a b’e vuna kama.

Sawal la giled’a 84:8

Ad’engêzi nga d’i i avogovok á i avok ang Alona avo Siyon.

Zla d’a d’ogolâ 10:25

Ata yima mbirlimba nga d’i kalâ, nga d’i i ki sama asa’atna, wani sama d’ingêrâ mi arî tchola ngingring burâ ki burâ.

Zla d’a d’ogolâ 10:30

Sama d’ingêrâ mba mi giget abo va tu d’i, wani suma asa’atna a mba kak yam ambasa d’i.

Zla d’a d’ogolâ 14:16

Sama ned’a nga mi le mandara tchod’a, mi wal tam mbei ki sed’ed’u, wani sama lilid’a nga mi nga atogo zak á led’a, nga mi le mandar ri.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Marik 7:2

A we mam suma hata suma hiuna a nga te tena kabozi ma zozota, nala, a mbus nga abozi d’igi gat mazid’a de na d’i.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.