Wana ni mbaktumba hi Job-pa 17:5 - Bible azumeina

⁵ Sama mi yi buniyôma á b’rau ahle suma a hurumuzï ata yima ayînina, groma a mba fe va d’i.

Wana ni mbaktumba hi Job-pa 17:5 Iomraidhean Croise

1 Amuleina 11:12

Wani kayam abung David, an nga ni prud’ut abong kid’a ang nga ki irang tua d’a d’i, an mba ni prud’ut nabo gorongâ.

Wana ni mbaktumba hi Job-pa 11:20

Wani suma asa’atna irazi mba d’i zal leyo, a mba fe yima ngei tazina d’i, hur mazi ma tinda ni matna mi.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Zla d’a d’ogolâ 20:19

Sama mi ka ad’u sumina mi ge ni zla d’a mudurid’a ad’ut teyo. Ang wal tang ngei ki sama vunam afefeta á de zlad’ina.

Zla d’a d’ogolâ 29:5

Sama nga mi läd’u ndrama ki zla d’a de d’a avunamba gogona, mi gunumî abeid’a kä avoromu.

Hor ma tchina 4:17

Irami ti kau hawa kau á djup ma ndjunumina, ami djubumi andjaf ma mba á sud’umina tatâ pî, wani mi mba nga d’i.

Sunda hi suma hi Levi-nid’a 19:13

Ar ang le ndrangâ ndaka d’i, ang kul luo mi, ang d’el wuraka hi sama lang sundina abong gak avin ndi.

Sunda hi suma hi Levi-nid’a 19:16

Ang tchuk zla d’a aboina yam sum mangâ d’i, ang tchol ki zla d’a aboina á tchi ndrangâ d’uo mi, kayam an ni Ma didina.

Gat ta a hat á mbàd’id’a 28:65

Aduk andjaf sum ndazina agi mba kagagi tchugot ti, agi mba fagi yima kak ma djivina d’i. Ma didina mba mi pad’agi vunadigagi fek; agi mba mbud’ugi hohoud’a, agi mba kagagi ni ki yor tad’a mi.

1 Tasaloni’â 2:5

Agi wagi ala ami dami nga zla d’a lop vun sa d’oze halami nga lem mba fe beged’a yami tu d’i. Alona ni ma glangâs mamina.