Wana ni mbaktumba hi Job-pa 12:9 - Bible azumeina

⁹ Ni nge mi wazi nga ala: Ahle ndazina pet Ma didina mi lazi ni mamu d’uo ge?

Wana ni mbaktumba hi Job-pa 12:9 Iomraidhean Croise

Ad’u Tinda 1:20

Alona mi de kua ala: Ar ahle suma arina a zul mimiyâk aduk mbina, ar aluweina a pir akulo yam andagad’a mi.

Wana ni mbaktumba hi Job-pa 12:3

Wani an ni sama ned’a d’igi agi na! Agi kalan nga d’i! Ni nge mi we nga ahle suma agi dazi wana d’uo ge?

Wana ni mbaktumba hi Job-pa 12:8

Ang de mandagad’a, ti mba d’i had’angû, kuluf ma kur alum ma ngolîna mba mi vang ad’ud’a mi.

Wana ni mbaktumba hi Job-pa 13:1

Job mi de kua ala: Gagazi, ahle ndazina pet an wazi ki iranu, an humuzi ki humanu, an wazi ad’uzi mi.

Wana ni mbaktumba hi Job-pa 22:18

Wani ni mam ba, mi oyôzi aziyazi kahle suma djivina. Wani va ndolon nga ki d’alâ hi suma asa’atnina d’i.

Isai 41:20

kayambala suma pet a gola, a we, a we woi tetet ala Ni an Ma didina ba, ni lahle ndazina kabonu, ni an Ma tin tan irat vat yam Israel-lîna ba, ni laziya.

Daniel 5:18

Amulâ, Alo ma kal teglesâ mi tin abung Nebukanezar amul ma ngolâ, mi hum ngola ki hud’a ki subura mi.

Daniel 9:17

Alo mamina, ki tchetchemba, ang hum tchen nda hud’a hi an azong mangîd’a. Salad’a, yam o manga, ang tin irang yam gong mang nga a tinit irat vat ta a b’lagat teid’a.

Sunda hi suma a sunuzinid’a 19:35

Ata yi máma, ma b’ir mbaktum ma hur azinina, mi seng ablau suma. Mi dazi ala: Agi suma Efes-sâ, suma pet a wala azì ma ngol ma Efes-sâ ni ma ngom gong nga ngola hi Artemis-sa ki vama hle tam d’igi ndat na ma mi ndeï kä yam andagad’ina.

Romê-na 11:36

Kayam ahlena pet a tcholï natamu, ahlena pet a nga ata yazi ni kayam mamu, a nga ni kayam mam tamba mi. Kayam ndata, ei suburi Alona gak didin. Amin!

1 Samuel 2:7

Ma didina nga mi mbut sana houd’a, nga mi mbut sana ma beged’a mi; nga mi hulong sana yam kä, nga mi hle sana yam akulo mi.