Wana ni mbaktumba hi Job-pa 12:22 - Bible azumeina

²² Nga mi nde ki vama ngeid’a kur nduvun nda i’îlikina woi abu pid’agi, nga mi tak nduvun nda matna woi abu pid’ak mi.

Wana ni mbaktumba hi Job-pa 12:22 Iomraidhean Croise

2 Amuleina 6:12

Ma dingâ tu aduk azigar mam suma nglona mi hulong dum ala: Salana, sama adigei ma mi hle zla mei d’a gumunda mi it mamul ma Israel-lîna nga d’i. Ni Elise ma djok vun Alona ma nga avo Israel-lâ ba, mi ndak á de zla d’a ang dat kur gong mang nga burîd’a woi mamul mama!

Wana ni mbaktumba hi Job-pa 11:6

Ladjï mi dangî zla mam mba ne d’a gumun nda kal teglesa ni, ata yi máma ang mba wala Alona doli mi arî tcho mang nga hiud’a woi d’ö!

Wana ni mbaktumba hi Job-pa 24:17

Yorogod’a ni nduvun nda matna iraziya, a nga ve banad’a ni ki nduvunda.

Wana ni mbaktumba hi Job-pa 3:5

Ar nduvunda kanguza matna a vum mbeyo! Ar d’ugula ti kak kam akulo! Ar nduvun nda mba ki ndaka yam sumid’a, ti mbut bur máma mandarâ!

Wana ni mbaktumba hi Job-pa 34:22

Nduvunda d’oze anguza matna a ndak nga d’ala suma le tchod’a a ngei tazi kuad’a d’i.

Sawal la giled’a 139:11

Le an dala: Nduvunda ti dugunu pî, andjeged’a ti mbut ni faleid’a gevenu.

Sawal la giled’a 139:12

Nduvunda pî ti nga nduvunda irang ngi, andjeged’a nga d’i b’o ni d’igi faleid’a na, nduvunda ti ni d’igi b’od’a na irangû.

Sawal la giled’a 44:21

Le ami marami ang Alo mamina woyo, le ami mbud’umi irami ata alo ma dingâ ni,

Daniel 2:22

Mam mi ma nga mi tak ahle suma mudurina kahle suma a nga ngeid’ina woina. Ni ma wahle suma a nga kur nduvundina, ni ma nga kaka kur b’od’ina mi.

Amos 5:8

Mi lades tchitchiu d’a a yat ala Gro azungeîna d’a ki d’a a yat ala Gro yuguneina, ni ma mbut yima nduvunda yima fod’ina, ni ma mbut yima b’od’a nduvundina, ni ma mi yi mbiyo alum ma ngolâ mi wed’em mbei yam andagad’a petna. Simiyêm ala Ma didina.

Matiye 10:26

Jesus mi had’azi kua ala: Ar agi lagi mandara suma d’i, kayam vama nga ngeid’a kä ma a mba ba bei ndum mbei pid’a’â nga d’i, d’oze vama nga gumun kä ma a mba ba bei wuma nga d’uo mi.

Wana ni Zla d’a Djivi d’a Luc mi b’irita 1:79

á b’o yam suma a nga kaka kur nduvunda ad’u angus matnina, á tini asei kur lovot ta b’leng nga halasa mi.

1 Korente-na 2:10

Wani Alona mi tageizi ni yam Muzuk mama. Kayam le ni nga hurâ hAlona ma yiyik ma nga ngeid’ina pî, Muzuk mama mi ndak á fek ad’u ahlena pet.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.